കൊച്ചി: സ്വത്തുതർക്കത്തെ തുടർന്ന് 84 വയസുള്ള വാപ്പയെ ക്രൂരമായി മർദിച്ച മകൻ അറസ്റ്റിൽ. നൊച്ചിമ കൊടികുത്തുമല സ്വദേശി അലിയാരെയാണ് 48കാരനായ മകൻ ഹുസൈൻ മർദിച്ചത്. ഇരുവരും തമ്മിൽ സ്വത്ത് തർക്കം നേരത്തേയും ഉണ്ടായിരുന്നു. എന്നാൽ കഴിഞ്ഞ ദിവസം തർക്കം രൂക്ഷമാവുകയായിരുന്നു.
മർദനമേറ്റേ പിതാവ് സ്വകാര്യ ആശുപത്രിയിൽ ചികിത്സയിലാണ്. ഇദ്ദേഹത്തിന്റെ കൈവിരലിന് പൊട്ടലുണ്ട്. ആശുപത്രിയിൽ പ്രവേശിപ്പിച്ചപ്പോഴാണ് മർദ്ദന വിവരം പു റത്തറിയുന്നത്. ആശുപത്രി അധികൃതർ വിവരം പോലീസിനെ അ റിയിക്കുകയായിരുന്നു. അറസ്റ്റിലായ ഹുസൈനെ കോടതിയിൽ ഹാജരാക്കും.
