വിശദവിവരങ്ങള് www.lbscentre.kerala.gov.in ല്
നവംബര് 28 വരെ ഓണ്ലൈനായി രജിസ്റ്റര്ചെയ്യാം
ഹയര് സെക്കന്ററി, നോണ് വൊക്കേഷണര് ഹയ’സെക്കന്ററി അധ്യാപക നിയമനത്തിനുള്ള സംസ്ഥാനതല യോഗ്യതാനിര്ണയ പരീക്ഷയായ ‘സെറ്റ് ജനുവരി 2026’ന് അപേക്ഷിക്കാം. എല്ബിഎസ് സെന്ററിനാണ് പരീക്ഷാ ചുമതല. പരീക്ഷ ഫെബ്രുവരി 22 ന് നടത്തിയേക്കും. വിജ്ഞാപനവും വിശദവിവരങ്ങളുമടങ്ങിയ ്രേപാസ്പെക്ടസും www.lbscentre.kerala.gov.in ല്നിന്നും ഡൗണ്ലോഡ് ചെയ്യാം. ഫീസ് 1300 രൂപ. എസ്സി/എസ്ടി/പിഡബ്ല്യുബിഡി വിഭാഗങ്ങള്ക്ക് 750 രൂപ മതി. നിര്ദ്ദേശാനുസരണം ഓണ്ലൈനില് നവംബര് 28 വൈകിട്ട് 5 മണിവരെ രജിസ്റ്റര് ചെയ്യാവുന്നതാണ്.
വിഷയങ്ങള്: സെറ്റ് പേപ്പര് രണ്ടില് 31 വിഷയങ്ങള് ഉള്ക്കൊള്ളിച്ചിട്ടുണ്ട്. അറബിക്, ബോട്ടണി, കെമിസ്ട്രി, കോമേഴ്സ്, ഇക്കണോമിക്സ്, ഇംഗ്ലീഷ്,ഫ്രഞ്ച്, ജോഗ്രഫി, ജിയോളജി, ജര്മ്മന്, ഹിന്ദി, ഹിസ്റ്ററി, ഹോംസയന്സ്, ജേണലിസം, പൊളിറ്റിക്കല് സയന്സ്, സൈക്കോളജി, റഷ്യന്, സംസ്കൃതം, സോഷ്യല്വര്ക്ക്, സോഷ്യോളജി, സ്റ്റാറ്റിസ്റ്റിക്സ്, സിറിയക്, ഉറുദു, സുവോളജി, ബയോടെക്നോളജി എന്നീ വിഷയങ്ങളിലാണ് പരീക്ഷ. 14 ജില്ലകളിലും പരീക്ഷാകേന്ദ്രങ്ങളുണ്ടാവും.
പരീക്ഷ: സെറ്റില് രണ്ട് പേപ്പറുകളാണുള്ളത്. പേപ്പര് ഒന്ന് എല്ലാവര്ക്കും പൊതുവാണ്. പൊതുവിജ്ഞാനം, അധ്യാപന അഭിരുചി അളക്കുന്ന ചോദ്യങ്ങളുണ്ടാവും. പേപ്പര് രണ്ടില് പരീക്ഷാര്ത്ഥി തെരഞ്ഞെടുക്കപ്പെടുന്ന വിഷയത്തെ ആസ്പദമാക്കിയിട്ടുള്ള ചോദ്യങ്ങളാണുണ്ടാവുക. ഓരോ പേപ്പറിനും രണ്ട് മണിക്കൂര് വീതം ലഭിക്കും. പേപ്പര് ഒന്നില് 120 ചോദ്യങ്ങള്. ഓരോ മാര്ക്ക് വീതം. പേപ്പര് രണ്ടിലും 120 ചോദ്യങ്ങള്. ഇതില് 80 ചോദ്യങ്ങള് മാത്തമാറ്റിക്സിലുംസ്റ്റാറ്റിസ്റ്റിക്സിലും. ഒന്നര മാര്ക്ക് വീതം. മറ്റ് വിഷയങ്ങള്ക്കുള്ള ചോദ്യങ്ങള്ക്ക് ഓരോ മാര്ക്ക് വീതം. പരീക്ഷാഘടനയും സിലബസും മൂല്യനിര്ണ്ണയരീതിയും പ്രോസ്പെക്ടസിലുണ്ട്.
സെറ്റില് യോഗ്യത നേടുന്നതിന് ജനറല് വിഭാഗത്തില്പ്പെടുന്നവര് പേപ്പര് ഒന്നിലും രണ്ടിലും 40 മാര്ക്ക് വീതവും മൊത്തത്തില് 48 മാര്ക്കും നേടണം. ഒബിസി നോണ് ക്രീമിലെയര് വിഭാഗത്തിന് യഥാക്രമം 35, 45 മാര്ക്ക് വീതവും എസ്സി/എസ്ടി/ഭിന്നശേഷി വിഭാഗങ്ങളില്പ്പെടുന്നവര്ക്ക് 35, 40 മാര്ക്ക് വീതവും നേടേണ്ടതുണ്ട്. ഇങ്ങനെ യോഗ്യത നേടുന്നവര്ക്ക് ‘സെറ്റ് പാസ് സര്ട്ടിഫിക്കറ്റ്’ ലഭിക്കും.
യോഗ്യത: ബന്ധപ്പെട്ട വിഷയത്തില് 50 ശതമാനം മാര്ക്കില്/തത്തുല്യ ഗ്രേഡില് കുറയാതെ മാസ്റ്റേഴ്സ് ബിരുദവും ഏതെങ്കിലും ഡിസിപ്ലിനില് ബിഎഡും ഉള്ളവര്ക്ക് സെറ്റിന് അപേക്ഷിക്കാം.
മാത്തമാറ്റിക്സ്, ഫിസിക്സ്, കെമിസ്ട്രി, ബോട്ടണി, സുവോളജി വിഷയങ്ങളില് എംഎസ്സിഎഡ് (എംഎസ്സി.എഡ്) (50 ശതമാനം മാര്ക്കില്/തത്തുല്യ ഗ്രേഡില് കുറയരുത്) ഉള്ളവര്ക്കും അപേക്ഷിക്കാവുന്നതാണ്.
കോമേഴ്സ്, ഫ്രഞ്ച്, ജിയോളജി, ഹോം സയന്സ്, ജേണലിസം, ലാറ്റിന്, മ്യൂസിക്, ഫിലോസഫി, സൈക്കോളജി, റഷ്യന്, സോഷ്യല് വര്ക്ക്, സോഷ്യോളജി, സ്റ്റാറ്റിസ്റ്റിക്സ്, സിറിയക് പിജികള്ക്ക് ബിഎഡ് വേണമെന്നില്ല.
അറബിക്, ഉറുദു, ഹിന്ദി വിഷയങ്ങളില് ഡിഎല്എഡ്/എല്റ്റിറ്റിസി ഉള്ളവര്ക്ക് ബിഎഡ് ഇല്ലെങ്കിലും അപേക്ഷിക്കാന് അര്ഹതയുണ്ട്.
ബയോടെക്നോളജി പിജികാര്ക്ക് നാച്വറല് സയന്സില് ബിഎഡ് മതിയാകും.
പിജി നേടി അവസാനവര്ഷ ബിഎഡ് പഠിക്കുന്നവര്ക്കും ബിഎഡ് നേടി അവസാനവര്ഷ പിജിക്ക് പഠിക്കുന്നവര്ക്കും നിബന്ധനകള്ക്ക് വിധേയമായി അപേക്ഷിക്കാം.
സെറ്റ് എഴുതുന്നതിന് പ്രായപരിധിയില്ല. കൂടുതല് വിവരങ്ങള് പ്രോസ്പെക്ടസിലുണ്ട്.
