ഇസ്ലാമാബാദ്(പാകിസ്ഥാന്‍): അതിര്‍ത്തി കടന്നുള്ള സ്ഥലങ്ങള്‍ വീണ്ടും തുറന്നതോടെ പാകിസ്ഥാനില്‍ അറസ്റ്റ് ചെയ്യപ്പെട്ട് തടങ്കലില്‍ വെച്ചിരിക്കുന്ന അഫ്ഗാന്‍ പൗരന്മാരുടെ എണ്ണം വര്‍ദ്ധിച്ചു.
ഒരാഴ്ചയ്‌ക്കുള്ളില്‍ 146 ശതമാനം വര്‍ദ്ധിച്ചതെന്ന് യുഎന്‍ അഭയാര്‍ത്ഥി ഏജന്‍സി(യുഎന്‍എച്ച്‌സിആര്‍)യും ഇന്റര്‍ നാഷണല്‍ ഓര്‍ഗനൈസേഷന്‍ ഫോര്‍ മൈഗ്രേഷനും(ഐഒഎം) സംയുക്തമായി പുറത്തുവിട്ട റിപ്പോര്‍ട്ടില്‍ പറയുന്നു. നവംബര്‍ ഒന്നിന് അവസാനിച്ച ആഴ്ചയില്‍ ആകെ 7.764 അഫ്ഗാന്‍ പൗരന്മാരെ അറസ്റ്റ് ചെയ്ത് തടങ്കലില്‍ വെച്ചിട്ടുണ്ട്. ഇത് മുന്‍ ആഴ്ചയേക്കാള്‍ ഗണ്യമായ വര്‍ദ്ധവാണെന്ന് റിപ്പോര്‍ട്ടില്‍ പറയുന്നു.
ഒക്ടോബര്‍ 26 നും നവംബര്‍ 1 നും ഇടയില്‍ അറസ്റ്റിലായവരില്‍ 77 ശതമാനം അഫ്ഗാന്‍ സിറ്റിസണ്‍ കാര്‍ഡ്(എസിസി) ഉടമകളും രേഖകളില്ലാത്ത അഫ്ഗാനികളുമാണ്, ബാക്കിയുള്ള 23 ശതമാനം രജിസ്‌ട്രേഷന്‍ തെളിവ്(പിഒആര്‍) കാര്‍ഡ് ഉടമകളുമാണ്. ബലൂചിസ്ഥാനിലാണ് 86 ശതമാനം അറസ്റ്റുകളും തടങ്കലുകളും നടന്നത്.
