ന്യൂദല്‍ഹി: പി.ചിദംബരത്തിന്റെ മകന്‍ ജയിലില്‍ പോകാറായോ? ചിദംബരത്തിന്റെ മകന്‍ അഴിമതി നടത്താന‍് ഉപയോഗിച്ച ഐഎന്‍എക്സ് മീഡിയയുടെ പ്രധാന ഉടമസ്ഥയായ ഇന്ദ്രാണി മുഖര്‍ജി ചിദംബരത്തിനെതിരെ ചില വെളിപ്പെടുത്തല്‍ നടത്തിക്കഴിഞ്ഞതാണ്. കള്ളപ്പണം വെളുപ്പിക്കല്‍ തടയുന്ന അപ്പലേറ്റ് ട്രിബ്ര്യൂണല്‍ ഇപ്പോള്‍ ഇഡി കാര്‍ത്തിചിദംബരത്തിനെതിരെ നടത്തിയ നടപടി അംഗീകരിച്ചിരിക്കുകയാണ്.
ഇഡി ഇപ്പോള്‍ കാര്‍ത്തി ചിദംബരത്തിന്റെ ഏഴ് ബാങ്ക് അക്കൗണ്ടുകളും ഒരു വിലപിടിച്ച പ്രോപ്പര്‍ട്ടിയും കഴിഞ്‍ ദിവസം പിടിച്ചെടുത്തിരുന്നു. 16 കോടി രൂപ വിലമതിക്കുന്ന ജോര്‍ബാഗ് പ്രോപ്പര്‍ട്ടിയും 6.23 കോടി രൂപ നിക്ഷേപമുള്ള ഏഴ് ബാങ്ക് അക്കൗണ്ടുകളും പിടിച്ചെടുത്തു. ജോര്‍ബാഗിലെ പ്രോപ്പര്‍ട്ടി കാര്‍ത്തി ചിദംബരവും അമ്മ നളിനി ചിദംബരവും സംയുക്തമായി കയ്യില്‍വെച്ചിരിക്കുന്ന ഒന്നാണ്. ഇഡിയുടെ കണ്ടുകെട്ടലിനെതിരെ കാര്‍ത്തി ചിദംബരം നല്‍കിയ അപേക്ഷ കള്ളപ്പണം തടയുന്നതിനുള്ള അപ്പലേറ്റ് ട്രിബ്യൂണല്‍ തള്ളിക്കളയുകയായിരുന്നു.
ഇന്ത്യന്‍ ഓവര്‍സീസ് ബാങ്കിന്റെ ചെന്നൈയിലെ നുങ്കംബാക്കം ശാഖയില്‍ തുറന്നിരിക്കുന്ന ഏഴ് അക്കൗണ്ടുകളാണ് പിടിച്ചെടുത്തത്. ഈ അക്കൗണ്ടുകളെല്ലാം ഐഎന്‍എക്സ് മീഡിയയുമായി ബന്ധപ്പെട്ടവയാണ്. കള്ളപ്പണം വെളുപ്പിക്കലായിരുന്നു ലക്ഷ്യം.
എന്തായാലും ഇതോടെ കാര്‍ത്തി ചിദംബരത്തിന് ജയിലിലേക്കുള്ള വഴി അടുത്തിരിക്കുന്നു എന്നാണ് സൂചനകള്‍. ഇഡി ഓഫീസറായ രാജേശ്വര്‍ സിങ്ങ് ആണ് ഈ കേസില്‍ അന്വേഷണം നടത്തിയത്. നേരത്തെ സുബ്രഹ്മണ്യം സ്വാമിയാണ് ചിദംബരത്തിനും മകനും എതിരായ എയര്‍സെല്‍-മാക്സിസ് അഴിമതി ക്കേസ് 2015ല്‍ സുപ്രീംകോടതിയില്‍ ഫയല്‍ ചെയ്തത്. ഇതിന് ശേഷമാണ് ചിദംബരത്തിനും മകനും എതിരെ ഇഡി പിടിമുറുക്കിയത്. രാജേശ്വര്‍ സിങ്ങിന്റെ അന്വേഷണത്തിനിടയില്‍ കാര്‍ത്തി ചിദംബരത്തിന്റെ ലണ്ടനിലും സ്പെയിനിലും ഇന്ത്യയിലും ഉള്ള 21 ബാങ്ക് അക്കൗണ്ടുകളും സ്വത്തുക്കളും കണ്ടെത്തിയിരുന്നു. ഏകദേശം 54 കോടി രൂപയുടെ ആസ്തിയാണ് ഇഡി കണ്ടെത്തിയത്. ശ്രീ അയ്യരാണ് തന്റെ പിഗുരു എന്ന യൂട്യൂബ് ചാനലില്‍ ഈ സൂചന നല്‍കുന്നത്.
