വോട്ട് ചോര്‍ മുദ്രാവാക്യം വിളിച്ചപ്പോള്‍ അമിത് ഷാ ഇറങ്ങിപ്പോയി…എത്ര സുന്ദരമായ നടക്കാത്ത സ്വപ്നം…

പട്ന: വോട്ട് ചോര്‍ മുദ്രാവാക്യം വിളിച്ചതിനെ തുടര്‍ന്ന് അമിത് ഷാ ഇറങ്ങിപ്പോയതിന്റെ വീഡിയോ ബീഹാറില്‍ പ്രചരിപ്പിക്കുകയാണ് കോണ്‍ഗ്രസും കൂട്ടരും. ഈ വീഡിയോ ഫാക്ട് ചെക് നടത്തിയപ്പോള്‍ എഐയില്‍ വ്യാജമായി നിര്‍മ്മിച്ച വീഡിയോ ആണെന്ന് കണ്ടെത്തി.

അമിത് ഷായേക്കുറിച്ച് കോണ്‍ഗ്രസുകാര്‍ നിര്‍മ്മിച്ച വ്യാജവീഡിയോ:

பீகாரில் …..
கிரிமினலை ஓடவிட்ட உள்ளூர் மக்கள்
"ஓட்டு திருடா……… "
வெளிய போடா
🤣🤣🤣🤣🤣🤣🤣🤣🤣🤣 pic.twitter.com/bpKu4ry9Ot

— ethisundar 🖤❤️🖤❤️🖤❤️ (@ethisundar) October 29, 2025

ഇതോടെ ഇതേക്കുറിച്ച് രസകരമായ പ്രതികരണങ്ങള്‍ വരുന്നുണ്ട്. എന്തൊരു സുന്ദരമായ നടക്കാത്ത സ്വപ്നമാണ് രാഹുല്‍ ഗാന്ധിയുടേത് എന്നതാണ് ഇതില്‍ ശ്രദ്ധേയമായ ഒരു പ്രതികരണം. തമിഴില്‍ ആണ് ഈ വ്യാജ വീഡിയോ നിര്‍മ്മിച്ചിരിക്കുന്നത്.

വീഡിയോയ്‌ക്കൊപ്പം നല്‍കിയിട്ടുള്ള കുറിപ്പില്‍ അമിത് ഷാ വേദിയില്‍ നിന്നും ഇറങ്ങിപ്പോകുന്ന ഈ വീഡിയോ ബീഹാറില്‍ നിന്നുള്ളതാണെന്ന് വ്യക്തമാക്കിയിട്ടുണ്ട്. എന്നാല്‍ പരിശോധനയില്‍ ബീഹാറില്‍ ഇങ്ങിനെ ഒരു സംഭവം നടന്നിട്ടില്ലെന്ന് കണ്ടെത്തി.

ഈ വീഡിയോ ഒക്ടോബര്‍ 25ന്‍റേതാണെന്ന് കാണിച്ചിരുന്നു. ഇത് കീവേര്‍ഡ് വെച്ച് പരിശോധിക്കുമ്പോള്‍ അമിത് ഷായുടെ ബീഹാറിലെ ഒരു പ്രസംഗം ബിജെപി പങ്കുവെച്ചിരിക്കുന്നതായി കാണാന്‍ കഴിഞ്ഞു. അമിത് ഷാ നളന്ദയില്‍ പ്രസംഗിക്കുന്ന വീഡിയോ ആണ്. ഒരു ഘട്ടത്തില്‍ മൈക്കിന് തകരാര്‍ കണ്ടതിനെ തുടര്‍ന്ന് അമിത് ഷാ സ്റ്റേജിന്റെ ഒരു അരികിലേക്ക് നടന്നു നീങ്ങുന്നത് കാണാം. വോട്ട് ചോര്‍ എന്ന് ജനം ആര്‍ത്തുവിളിച്ചപ്പോള്‍ അമിത് ഷാ സ്റ്റേജില്‍ നിന്നും ഇറങ്ങിപ്പോകുന്നതായി കാണിക്കാന്‍ ഉപയോഗിച്ചിരിക്കുന്നത് ഈ വീഡിയോ ആണ്. വോട്ട് ചോര്‍ എന്ന് ആര്‍ത്തുവിളിക്കുന്ന ജനം നേരത്തെ രാഹുല്‍ ഗാന്ധിയുടെ വോട്ട് ചോരി യാത്രയില്‍ മുദ്രാവാക്യം മുഴക്കുന്ന കോണ്‍ഗ്രസ് പ്രവര്‍ത്തകരുടേതാണ്. രണ്ട് വീഡിയോകള്‍ അതിവിദഗ്ധമായി ചേര്‍ത്ത് വെച്ചാണ് ഈ വ്യാജ വീഡിയോ നിര്‍മ്മിച്ചിരിക്കുന്നത്. പിന്നില്‍ കോണ്‍ഗ്രസ് പ്രവര്‍ത്തകരാണെന്നും വ്യക്തമാണ്.