തിരുവനന്തപുരം: പ്രതിപക്ഷത്തുള്ളവര്‍ നടത്തുന്നതിലും രൂക്ഷമായ വിമര്‍ശനമാണ് തനിക്കെതിരെ സിപിഐ നേതാക്കള്‍ നടത്തിയതെന്ന് വിദ്യാഭ്യാസമന്ത്രി വി ശിവന്‍കുട്ടി. പിഎം ശ്രീ പദ്ധതിയുമായി ബന്ധപ്പെട്ട് സിപിഐ നേതാക്കളുടെ പ്രതികരണം ഏറെ വേദനയുണ്ടാക്കി.
ജിആര്‍ അനില്‍ സിപിഐ ഓഫീസിനു മുന്നില്‍ വച്ച് തന്നെ അപമാനിക്കുന്ന പ്രസ്താവന നടത്തി.
പ്രകാശ് ബാബു, എംഎ ബേബിയെ കുറിച്ച് നടത്തിയ പ്രസ്താവനയും എഐഎസ്എഫ്- എഐവൈഎഫ് പ്രവര്‍ത്തകര്‍ തന്റെ ഓഫീസിലേക്ക് മാര്‍ച്ച് നടത്തിയതും തന്റെ കോലം കത്തിച്ചതും ശരിയായ രീതിയല്ലെന്നും മന്ത്രി പറഞ്ഞു.
മുഖ്യമന്ത്രി അടക്കം വിഷയം ചര്‍ച്ചചെയ്തുകൊണ്ടിരുന്ന സമയത്തായിരുന്നു ഈ സംഭവങ്ങളെന്നും സിപിഐക്കെതിരെ കടുത്ത വിമര്‍ശനം തന്റെ ഭാഗത്ത് നിന്ന് ഉണ്ടായിട്ടില്ലെന്നും മന്ത്രി പറഞ്ഞു.
