എന്തുകൊണ്ടാണ് നമ്മൾ കോട്ടുവാ ഇടുന്നത് എന്ന് ചോദിച്ചാൽ പലരും പല ഉത്തരങ്ങളാണ് പറയുക. ചിലർ പറയും അത് ഉറക്കം വരുന്നതിന്റെ ലക്ഷണമാണെന്ന്. അരെങ്കിലും ആവർത്തിച്ച് കോട്ടുവാ ഇടുന്നത് കണ്ടാൽ ചിലർ പറയും അതവർക്ക് അലസതയും മടിയും ഉള്ളതുകൊണ്ടാണെന്ന് . അങ്ങനെ നിരന്തരം കോട്ടുവാ ഇടുന്നവരാണെങ്കില്‍ അല്‍പമൊന്ന് ശ്രദ്ധവേണം, ഇല്ലെങ്കില്‍ തുറന്ന വാ അടയ്‌ക്കാന്‍ പറ്റിയില്ലെങ്കിലോ ?
അങ്ങനെയൊരു സംഭവം നടന്നത് പാലക്കാട് റെയില്‍വേ സ്റ്റേഷനിലാണ്. കന്യാകുമാരി- ദിബ്രുഗഡ് എക്സ്പ്രസിലെ യാത്രക്കാരനാണ് കോട്ടുവായ ഇട്ടതിന് ശേഷം വായ അടക്കാൻ കഴിയാതെ വന്നത്. ടി.എം.ജെ ഡിസ് ലോക്കേഷൻ എന്ന താടിയെല്ലുകൾ സ്തംഭിക്കുന്ന അവസ്ഥയാണ യാത്രക്കാരനുണ്ടായത്.
ടി.എം.ജെ ഡിസ് ലോക്കേഷൻ സംഭവിച്ചാല്‍ വായ തുറന്ന അവസ്ഥയിൽ ലോക്ക് ആവുക, വേദന, സംസാരിക്കാനും വായ അടയ്‌ക്കാനുമുള്ള ബുദ്ധിമുട്ട് എന്നിവ ഉണ്ടാകാം. അമിതമായി കോട്ടുവാ ഇടുമ്പോഴോ അപകടങ്ങളിലോ പ്രത്യേക രോഗാവസ്ഥകളിലോ ആണ് ടി.എം.ജെ ഡിസ് ലോക്കേഷൻ സംഭവിക്കുന്നത്. ഡോക്ടർക്ക് കൈ കൊണ്ട് തന്നെ മാറ്റാൻ കഴിയുന്ന പ്രശ്നമാണിത് .
വിവരമറിഞ്ഞയുടനെ യാത്രക്കാരന് റെയിൽവേ ഡിവിഷണൽ മെഡിക്കൽ ഓഫീസർ അടിയന്തര വൈദ്യ സഹായം നൽകി. പാലക്കാട് റെയിൽവേ ആശുപത്രിയിലെ ഡിവിഷണൽ മെഡിക്കൽ ഓഫീസർ പി.എസ് ജിതൻ പാലക്കാട് ജംഗ്ഷൻ റെയിൽവേ സ്റ്റേഷനിലെത്തിയാണ് ചികിത്സ നൽകിയത്. യാത്രക്കാരൻ അതേ ട്രെയിനില്‍ യാത്ര തുടർന്നു.
ടെമ്പോറോമാൻഡിബുലാർ ജോയിന്റ് ഡിസ്‌ലൊക്കേഷൻ എന്ന അവസ്ഥയാണിത്. കീഴ്‌ത്താടിയെല്ലിന്റെ ‘ബോൾ-ആൻഡ്-സോക്കറ്റ്’ സന്ധി അതിന്റെ സാധാരണ സ്ഥാനത്തുനിന്ന് തെറ്റിപ്പോകുന്ന അവസ്ഥയാണിത്
