കട്ടപ്പന: യതോ ധര്മസ്തതോ ജയ എന്ന മുദ്രാവാക്യമുയര്ത്തി സംന്യാസിമാരുടെ നേതൃത്വത്തില് കാസര്കോട്ടു നിന്ന് ആരംഭിച്ച ധര്മ്മസന്ദേശ യാത്രയ്ക്ക് കട്ടപ്പനയില് ഉജ്ജ്വല സ്വീകരണം. സ്വാമി ചിദാനന്ദപുരി, സ്വാമി സത്സ്വരൂപാനന്ദ സരസ്വതി എന്നിവരടക്കമുള്ള സംന്യാസി ശ്രേഷ്ഠന്മാര്ക്ക് സ്വാഗതസംഘം ചെയര്മാന് സി.കെ. ശശിയുടെ നേതൃത്വത്തില് ഉചിതമായ സ്വീകരണമാണ് നല്കിയത്.
രാവിലെ 10.30ന് ഹിന്ദു നേതൃ സമ്മേളനം നടന്നു. 3ന് ചേര്ന്ന വീരാട് ഹിന്ദു സമ്മേളനത്തില് അധ്യക്ഷന് സ്വാമി അയ്യപ്പദാസ് പ്രഭാഷണം നടത്തി, ധര്മ്മസന്ദേശം നല്കി. നഷ്ടപ്പെട്ടു കൊണ്ടിരിക്കുന്ന കേരളത്തനിമ വീണ്ടെടുക്കാനും ലഹരിക്കും സാമൂഹിക വിരുദ്ധ പ്രവര്ത്തനങ്ങള്ക്കും അടിമകളായ യുവജനങ്ങളെ നേര്വഴികളിലേക്ക് നയിക്കാനും സ്വാമി ചിദാനന്ദപുരി ആഹ്വാനം ചെയ്തു.
വെള്ളയാംകുടി സരസ്വതി വിദ്യാപീഠം സ്കൂളിലെ വിദ്യാര്ത്ഥികള് അവതരിപ്പിച്ച യോഗാ ഡാന്സും ഉണ്ടായിരുന്നു.
സ്വാമി ചിദാനന്ദപുരി വിദ്യാര്ത്ഥികള്ക്ക് സ്നേഹോപഹാരം നല്കി. സ്വാമി വിശ്വബ്രഹ്മ ശങ്കരാചാര്യര് പ്രതിജ്ഞാ വാചകം ചൊല്ലിക്കൊടുത്തു. അദ്ധ്യാത്മാനന്ദ സരസ്വതി, സ്വാമി ദേവചൈതന്യ, പ്രജ്ഞാനന്ദതീര്ത്ഥപാദര്, സ്വാമി ശിവധര്മ്മാനന്ദ സരസ്വതി, സ്വാമി സത്സ്വരൂപാനന്ദ സരസ്വതി, സ്വാമി പ്രണവസ്വരൂപാനന്ദ സരസ്വതി, സ്വാമി കൃഷ്ണാത്മാനന്ദ സരസ്വതി, സ്വാമി അംബികാനന്ദ സരസ്വതി, സ്വാമി അഭയാനന്ദ സരസ്വതിയും എന്നിവരും പങ്കെടുത്തു.
