ശ്രീനഗര്‍: അരുന്ധി റോയിയുടെ ആസാദി അടക്കം തെറ്റായ വിവരണങ്ങളും വിഘടനവാദവും പ്രചരിപ്പിക്കുന്ന 25 പുസ്തകങ്ങളുടെ നിരോധനം സ്‌റ്റേ ചെയ്യാന്‍ ജമ്മു കശ്മീര്‍, ലഡാക്ക് ഹൈക്കോടതി വിസമ്മതിച്ചു. ഹര്‍ജിയില്‍ നോട്ടീസ് അയച്ച കോടതി, ഈ വിഷയം പൊതുതാല്‍പ്പര്യ ഹര്‍ജിയായി പരിഗണിക്കാനും തയ്യാറായില്ല. വിഷയത്തില്‍ ഡിസംബര്‍ 4 ന് കോടതിയുടെ ഫുള്‍ ബെഞ്ച് അന്തിമ വാദം കേള്‍ക്കും. സിപിഎം നേതാവ് മുഹമ്മദ് യൂസഫ് തരിഗാമിയാണ് പൊതുതാല്‍പ്പര്യ ഹര്‍ജി സമര്‍പ്പിച്ചത്.
തെറ്റായ വിവരണങ്ങളും വിഘടനവാദവും പ്രചരിപ്പിച്ചതിന് 25 പുസ്തകങ്ങള്‍ കണ്ടുകെട്ടി ആഗസ്റ്റ് 5 ന് സര്‍ക്കാര്‍ പുറത്തിറക്കിയ വിജ്ഞാപനത്തെ ചോദ്യം ചെയ്ത് സമര്‍പ്പിച്ച നാല് ഹര്‍ജികളാണ് ചീഫ് ജസ്റ്റിസ് അരുണ്‍ പള്ളി, ജസ്റ്റിസ് രജനീഷ് ഓസ്വാള്‍, ജസ്റ്റിസ് ഷഹ്‌സാദ് അസീം എന്നിവരടങ്ങുന്ന പ്രത്യേക ബെഞ്ച് പരിഗണിച്ചത്.
പത്രപ്രവര്‍ത്തകന്‍ ഡേവിഡ് ദേവദാസ്, വിരമിച്ച എയര്‍ വൈസ് മാര്‍ഷല്‍ കപില്‍ കാക്ക അടക്കമുള്ളവരും ഹര്‍ജികള്‍ സമര്‍പ്പിച്ചിരുന്നു.
അരുന്ധി റോയിയുടേത് അടക്കം 25 പുസ്തകങ്ങളുടെ നിരോധനം സ്‌റ്റേ ചെയ്യാന്‍ വിസമ്മതിച്ച് ഹൈക്കോടതി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.