മലപ്പുറം: മീന്പിടിക്കവെ ഉണ്ടായ വാക്കുതര്ക്കത്തില് വയോധികനെ പുഴയില് മുക്കി കൊല്ലാന് ശ്രമിച്ച പ്രതി പിടിയില്.മലപ്പുറം കൂറ്റമ്പാറ സ്വദേശി അബ്ദുസല്മാന് ആണ് അറസ്റ്റിലായത്.
ഇക്കഴിഞ്ഞ ബുധനാഴ്ച മലപ്പുറം ചെറായി കെട്ടുങ്ങലിലായിരുന്നു സംഭവം. പുഴക്കരയിലിരുന്നു മീന് പിടിക്കുകയായിരുന്ന ചെറായി സ്വദേശി കുഞ്ഞാലി (70 ) യെയാണ് പ്രതി പുഴയില് മുക്കി കൊല്ലാന് ശ്രമിച്ചത്.
അബ്ദുസല്മാന്റെ പിടിയില് നിന്ന് രക്ഷപെട്ട കുഞ്ഞാലി പിന്നീട് പൊലീസില് പരാതി നല്കി. പരാതി പ്രകാരം പൂക്കോട്ടുംപാടം പൊലീസ് കേസെടുത്തു. അന്വേഷണം തുടങ്ങിയതിന് പിന്നാലെയാണ് കേസിലെ പ്രതി അബ്ദുസല്മാനെ പൊലീസ് പിടികൂടിയത്.
