ന്യൂയോര്‍ക്ക് : സമാധാനത്തിനു മുകളില്‍ രാഷ്‌ട്രീയം സ്ഥാപിക്കുകയായിരുന്നു നോബല്‍ കമ്മിറ്റിയെന്ന് വൈറ്റ് ഹൗസ് . 2025 ലെ സമാധാനത്തിനുള്ള നോബല്‍ സമ്മാനം യുഎസ് പ്രസിഡന്റ് ഡൊണാള്‍ഡ് ട്രംപിന് പകരം വെനിസ്വേലന്‍ പ്രതിപക്ഷ നേതാവ് മരിയ കൊറിന മച്ചാഡോയ്‌ക്ക് നല്‍കിയതിനെ വിമര്‍ശിച്ചുകൊണ്ടുള്ള സോഷ്യല്‍ മീഡിയ പോസ്റ്റില്‍ വൈറ്റ് ഹൗസ് കമ്മ്യൂണിക്കേഷന്‍സ് ഡയറക്ടര്‍ സ്റ്റീവന്‍ ച്യൂങ് ആണ് ഈ ആരോപണം ഉന്നയിച്ചത്. വൈറ്റ് ഹൗസ് നോബല്‍ കമ്മിറ്റിയെ വൈറ്റ് ഹൗസ് ശാസിക്കുകയും ചെയ്തു. സമാധാനസൃഷ്ടാവെന്ന നിലയില്‍ ട്രംപ് തന്റെ ശ്രമങ്ങള്‍ തുടരുമെന്നു അദ്ദേഹം വ്യക്തമാക്കി.
‘പ്രസിഡന്റ് ട്രംപ് സമാധാന കരാറുകള്‍ ഉണ്ടാക്കുന്നതും, യുദ്ധങ്ങള്‍ അവസാനിപ്പിക്കുന്നതും, ജീവന്‍ രക്ഷിക്കുന്നതും തുടരും.’ ട്രംപിന് ‘ഒരു മനുഷ്യസ്നേഹിയുടെ ഹൃദയ’മുണ്ടെന്നും ‘തന്റെ ഇച്ഛാശക്തിയാല്‍ പര്‍വതങ്ങളെ ചലിപ്പിക്കാന്‍ കഴിയുന്ന അദ്ദേഹത്തെപ്പോലെ ആരും ഉണ്ടാകില്ലെന്നും’ അദ്ദേഹം കൂട്ടിച്ചേര്‍ത്തു.
