ഇടുക്കി: ജില്ലയിലെ മൃഗസംരക്ഷണ മേഖലയിലെ കര്ഷകര്ക്ക് കിസാന് ക്രെഡിറ്റ് കാര്ഡിന് അപേക്ഷിക്കാന് അവസരം. പഞ്ചായത്ത് തല മൃഗാശുപത്രികളുമായും, വെറ്ററിനറി സബ്സെന്ററുകളുമായും ബന്ധപ്പെട്ട് അപേക്ഷകള് സമര്പ്പിക്കാം. സ്വന്തമായി ഭൂമിയുള്ളവര്ക്കും പാട്ടത്തിന് കൃഷി ചെയ്യുന്നവര്ക്കും അപേക്ഷിക്കാം. മൃഗസംരക്ഷണ മേഖലയിലെ കര്ഷകര്ക്ക് ജില്ലയില് കിസാന് ക്രെഡിറ്റ് കാര്ഡ് ലഭ്യമാക്കുന്നതിന് ഊര്ജ്ജിത യഞ്ജം ഒക്ടോബര് 31 വരെ നടക്കും. എല്ലാ കര്ഷകരും ഈ അവസരം പരമാവധി പ്രയോജനപ്പെടുത്തണമെന്ന് ജില്ലാ മൃഗസംരക്ഷണ ഓഫീസര് അറിയിച്ചു. പൂരിപ്പിച്ച അപേക്ഷ ഫോമിനൊപ്പം തിരിച്ചറിയല് രേഖ (വോട്ടേ്ഴ്സ് ഐ.ഡി/പാന് കാര്ഡ്/ആധാര് കാര്ഡ്/ ഡ്രൈവിംഗ് ലൈസന്സ് മുതലായവയില് ഏതെങ്കിലും ഒന്നിന്റെ സ്വയം സാക്ഷ്യപ്പെടുത്തിയ പകര്പ്പ്), സ്ഥിരതാമസ രേഖ (2 മാസത്തില് താഴെ പഴക്കമുള്ള ഫോണ് ബില്/കരം രസീത്/വൈദ്യുതി ബില്/വോട്ടേ്ഴ്സ് ഐ.ഡി/പാസ്പോര്ട്ട്/ആധാര് കാര്ഡ്/സര്ക്കാര് വകുപ്പുകളോ തദ്ദേശ സ്വയംഭരണ സ്ഥാപനങ്ങളോ നല്കുന്ന സര്ട്ടിഫിക്കറ്റ്), ആറ് മാസത്തിനുളളില് എടുത്ത 2 പാസ്പോര്ട്ട് സൈസ് ഫോട്ടോകള് എന്നിവ സഹിതം അപേക്ഷ നല്കണം.
കിസാന് ക്രെഡിറ്റ് കാര്ഡിന് മൃഗസംരക്ഷണ മേഖലയിലെ കര്ഷകര്ക്ക് ഇപ്പോള് അപേക്ഷിക്കാം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.