തിരുവനന്തപുരം: കാഞ്ചിപുരത്ത് പ്രവര്ത്തിക്കുന്ന ശ്രീശന് ഫാര്മസ്യൂട്ടിക്കല്സ് എന്ന സ്ഥാപനത്തിന്റെ ലൈസന്സ് കാന്സല് ചെയ്യാനുള്ള നടപടികളിലേക്ക് തമിഴ്നാട് ഡ്രഗ്സ് കണ്ട്രോളര് കടന്നതോടെ ആ കമ്പനിയുടെ എല്ലാ മരുന്നുകളുടേയും വിതരണം കേരളത്തില് നിര്ത്തിവയ്പ്പിച്ചതായി ആരോഗ്യ വകുപ്പ് അറിയിച്ചു.
റെഡ്നെക്സ് ഫാര്മസ്യൂട്ടിക്കല് നിര്മ്മിച്ച റെസ്പിഫ്രഷ് ടി ആര് സിറപ്പ് ഗുണനിലവാരം ഇല്ലെന്ന് ഗുജറാത്ത് ഡ്രഗ്സ് കണ്ട്രോളര് അറിയിച്ച സാഹചര്യത്തില് ഈ മരുന്നിന്റെ വിതരണവും വില്പ്പനയും നിര്ത്തിവയ്പ്പിച്ചു. ഈ മരുന്ന് വില്പന നടത്തുന്നവര്ക്കെതിരെ കര്ശന നടപടി സ്വീകരിക്കും. ഈ മരുന്ന് കൈവശമുള്ളവര് ഉപയോഗിക്കരുതെന്നും ആരോഗ്യവകുപ്പ് അഭ്യര്ത്ഥിച്ചു. അംഗീകൃത ഡോക്ടറുടെ കുറിപ്പടി ഇല്ലാതെ 12 വയസിന് താഴെയുള്ള കുട്ടികള്ക്ക് വേണ്ടി മരുന്ന് നല്കുന്ന സ്ഥാപനങ്ങള്ക്കെതിരെ കര്ശന നടപടി സ്വീകരിക്കാന് മന്ത്രി നിര്ദേശം നല്കി.
തമിഴ്നാട്ടിലെ ശ്രീശന് ഫാര്മസ്യൂട്ടിക്കല്സിന്റെ എല്ലാ മരുന്നും സംസ്ഥാനത്ത് നിരോധിച്ച് ആരോഗ്യ വകുപ്പ്
റെസ്പിഫ്രഷ് ടി ആര് സിറപ്പ് കൈവശമുള്ളവര് ഉപയോഗിക്കരുത്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.