അസിസ്റ്റന്റ് ഓഫീസര് ട്രെയിനിയാവാനും അവസരം
ഒക്ടോബര് 10 വരെ ഓണ്ലൈനില് അപേക്ഷ സ്വീകരിക്കും
വിശദവിവരങ്ങള് അടങ്ങിയ വിജ്ഞാപനം www.nrl.co.in- ല്
പരിശീലനം കഴിഞ്ഞാല് സ്ഥിര നിയമനം
ഓയില് ഇന്ത്യ ലിമിറ്റഡിന്റെ അനുബന്ധ സംരംഭമായ ഗുവാഹട്ടിയിലെ ന്യൂമാലിഗാര് റിഫൈനറി ലിമിറ്റഡ് (കേന്ദ്ര പൊതുമേഖലാ സ്ഥാപനം) ഗ്രാജുവേറ്റ് എന്ജിനീയര് ട്രെയിനികളെയും അസിസ്റ്റന്റ് ഓഫീസര് ട്രെയിനികളെയും തെരഞ്ഞെടുക്കുന്നു.
വിവിധ ബ്രാഞ്ചുകൡലായി 98 ഒഴിവുകളാണുള്ളത്. (സിവില് 4, മെക്കാനിക്കല് 12, ഇന്സ്ട്രുമെന്റേഷന് 10, ഇലക്ട്രിക്കല് 10, മെറ്റലര്ജി 2, കെമിക്കല് 53, കമ്പ്യൂട്ടര് സയന്സ് 1; അസിസ്റ്റന്റ് ഓഫീസര് ട്രെയിനി 6). വിശദവിവരങ്ങളടങ്ങിയ റിക്രൂട്ട്മെന്റ് വിജ്ഞാപനം www.nrl.co.in ല് ലഭിക്കും.
യോഗ്യത: ഗ്രാജുവേറ്റ് എന്ജിനീയര് ട്രെയിനി തസ്തികയിലേക്ക് ബന്ധപ്പെട്ട ബ്രാഞ്ചില് മൊത്തം 65 ശതമാനം മാര്ക്കില് കുറയാതെ ഫസ്റ്റ് ക്ലാസ് എഐസിടിഇ/യുജിസി അംഗീകൃത ബിഇ/ബിടെക് ബിരുദം.
അസിസ്റ്റന്റ് ഓഫീസര് ട്രെയിനി തസ്തികക്ക് നെറ്റ്/ഗേറ്റ് യോഗ്യത നേടിയ ഫസ്റ്റ് ക്ലാസ് പോസ്റ്റ് ഗ്രാജുവേറ്റുകള്ക്ക് അപേക്ഷിക്കാം.
ഈ തസ്തികകള്ക്ക് പ്രവൃത്തിപരിചയം ആവശ്യമില്ല. പ്രായപരിധി 10.10.2025ന് 30 വയസ്. നിയമാനുസൃത വയസ്സിളവ് ലഭിക്കും. വിശദമായ യോഗ്യതാ മാനദണ്ഡങ്ങളും സെലക്ഷന് നടപടികളും വിജ്ഞാപനത്തിലുണ്ട്.
അപേക്ഷാ ഫീസ്: 1000 രൂപ + ജിഎസ്ടി. എസ്സി/എസ്ടി/പിഡബ്ല്യുബിഡി വിഭാഗങ്ങള്ക്ക് ഫീസില്ല. നിര്ദ്ദേശാനുസരണം ഓണ്ലൈനില് ഒക്ടോബര് 10 വരെ അപേക്ഷിക്കാം. എസ്സി/എസ്ടി/ഒബിസി-എന്സിഎല്/ഇഡബ്ല്യുഎസ്/പിഡബ്ല്യുബിഡി വിഭാഗങ്ങള്ക്ക് നിശ്ചിത ഒഴിവുകള് സംവരണം ചെയ്തിട്ടുണ്ട്.
സെലക്ഷന്: കമ്പ്യൂട്ടര് അധിഷ്ഠിത ടെസ്റ്റ്, വ്യക്തിഗത അഭിമുഖം എന്നിവയുടെ അടിസ്ഥാനത്തിലാണ് തെരഞ്ഞെടുപ്പ്. ഒരുവര്ഷത്തെ പരിശീലനകാലം ഗ്രാജുവേറ്റ് എന്ജിനീയര് ട്രെയിനികള്ക്ക് പ്രതിമാസം 50,000 രൂപയും അസിസ്റ്റന്റ് ഓഫീസര് ട്രെയിനികള്ക്ക് 40,000 രൂപയും സ്റ്റൈപ്പന്റ് ലഭിക്കും. പരിശീലനം പൂര്ത്തിയാവുമ്പോള് 50,000-1,60,000 രൂപ ശമ്പള നിരക്കില് എന്ജിനീയര്മാരായും 40,000-1,40,000 രൂപ ശമ്പള നിരക്കില് ഓഫീസര്മാരായും നിയമിക്കുന്നതാണ്. എന്ജിനീയര്മാര്ക്ക് വിവിധ ആനുകൂല്യങ്ങളടക്കം വര്ഷത്തില് 18.79 ലക്ഷം രൂപയും ഓഫീസര്മാര്ക്ക് 15.34 ലക്ഷം രൂപയും ശമ്പളം ലഭിക്കും.
