തിരുവനന്തപുരം: ആർ.എസ്.എസിന്റെ 100ാം വാർഷികദിനത്തിൽ 100 രൂപ നാണയവും സ്റ്റാമ്പും പുറത്തിറക്കിയതിനെ എതിർത്ത് മുഖ്യമന്ത്രി പിണറായി വിജയൻ. നമ്മുടെ ഭരണഘടനയെ അപമാനിക്കുന്നതാണ് കേന്ദ്രത്തിന്റെ ഈ തീരുമാനമെന്നാണ് മുഖ്യമന്ത്രി എക്സിൽ കുറിച്ചത്.
സ്വാതന്ത്ര്യസമരത്തിൽ നിന്ന് വിട്ടുനിന്ന സംഘടനയാണ് ആർ എസ് എസ് എന്നാണ് മുഖ്യമന്ത്രിയുടെ ഭാഷ്യം . കൊളോണിയൽ തന്ത്രവുമായി ഇണങ്ങിച്ചേർന്ന പ്രത്യയശാസ്ത്രത്തെ പ്രോത്സാഹിപ്പിക്കുകയും ചെയ്ത ഒരു സംഘടനയെ ഇത് സാധൂകരിക്കുന്നുവെന്നും മുഖ്യമന്ത്രി പറഞ്ഞു.ഭരണഘടനയെ തന്നെ അവഹേളിക്കുന്ന തീരുമാനമാണിതെന്നും, അംഗീകരിക്കാനാകില്ലെന്നുമാണ് പിണറായി പറയുന്നത് .
ഇസ്രായേലിലെ സിയോണിസ്റ്റും ഇന്ത്യയിലെ ആർ എസ് എസും ഇരട്ടപെറ്റ സഹോദരങ്ങളാണെന്നാണ് പിണറായി വിജയൻ കഴിഞ്ഞ ദിവസം പറഞ്ഞത്.
