നടൻ സെയ്ഫ് അലി ഖാനും അമൃത സിങ്ങും തമ്മിലുള്ള പ്രണയവും, വിവാഹവും. വിവാഹമോചനവും വാർത്തകളിൽ ഏറെ ഇടം നേടിയിരുന്നു. 1991 ൽ വിവാഹിതരായ ഇവർക്ക് സാറാ അലി ഖാൻ, ഇബ്രാഹിം അലി ഖാൻ എന്നീ രണ്ട് കുട്ടികളുമുണ്ട്. എങ്കിലും, അവരുടെ വിവാഹം ഏറെക്കാലം നീണ്ടുനിന്നില്ല. ഇരുവരുടെയും വിവാഹത്തെ പറ്റിമുതിർന്ന ഡിസൈനർമാരായ അബു ജാനിയും സന്ദീപ് ഖോസ്ലയും പങ്ക് വച്ച വിശദാംശങ്ങളാണ് ഇപ്പോൾ ഏറെ ശ്രദ്ധ നേടുന്നത് .
സെയ്ഫും അമൃതയും വീട്ടുകാരെ അറിയിക്കാതെ വിവാഹിതരായവരാണ്. അവരുടെ വിവാഹം വളരെ രഹസ്യമായാണ് നടത്തിയത് . വിവാഹത്തിനായി അമൃത തന്റെ പേര് പോലും മാറ്റിയിരുന്നു.
“ഞങ്ങൾ അവരുടെ നിക്കാഹ്നാമയിൽ സാക്ഷികളായി ഒപ്പിട്ടിരുന്നു. ഒരു ദിവസം അവർ ഞങ്ങളുടെ അടുത്ത് വന്ന് വിവാഹം കഴിക്കാൻ ആഗ്രഹിക്കുന്നുവെന്ന് പറഞ്ഞു. സെയ്ഫ് വിവാഹം കഴിക്കാൻ ആഗ്രഹിച്ചു. അമൃതയ്ക്ക് ഉറപ്പില്ലായിരുന്നു വിവാഹം കഴിക്കാനാകുമെന്ന് . അവർ പ്രണയത്തിലാണെന്നും ഒരുമിച്ച് താമസിക്കുന്നുണ്ടെന്നും അവർ പറഞ്ഞു .അബുവും ഞാനും അമൃതയെ ഒരുക്കുകയായിരുന്നു, ഒരു മൗലവിയെ വിളിച്ചു. മൗലവി അമൃതയോട് പേര് ചോദിച്ചു . ‘അസീസ’ എന്നാണ് പേര് എന്ന് അമൃത പറഞ്ഞു .സത്യത്തിൽ ഞങ്ങൾ പോലും ഞെട്ടിപ്പോയി “ എന്നാണ് സെയ്ഫ് അലിഖാൻ -അമൃത വിവാഹത്തെ പറ്റി ബു ജാനിയും സന്ദീപ് ഖോസ്ലയും പറഞ്ഞത്.
