ശ്രീനഗര്‍ :കശ്മീരിലെ ഹിസ്ബുള്‍ മുജാഹിദ്ദീന്‍ നേതാവായ താരിഖ് അഹമ്മദ് മീറിന്റെ വീടും പഴത്തോട്ടവും കണ്ടുകെട്ടി എന്‍ ഐ എ. കശ്മീരിലെ ഷോപിയാന്‍ ജില്ലയില്‍ മാള്‍ഡേര ഗ്രാമത്തില്‍ ആണ് മുജാഹിദ്ദീന്‍ നേതാവായ മീറിന്റെ 780 ചതുരശ്രയടി സ്ഥലത്ത് പണിത ഒറ്റനിലവീടും തൊട്ടടുത്തുള്ള ഒരു പഴത്തോട്ടവും ആണ് കണ്ടുകെട്ടിയത്. കശ്മീരില്‍ ഹിസ്ബുള്‍ മുജാഹിദ്ദാന്‍ ഭീകരവാദികള്‍ക്ക് ആയുധങ്ങളും പടക്കോപ്പുകളും എത്തിച്ചുകൊടുക്കുന്ന ആളാണ് താരിഖ് അഹമ്മദ് മീര്‍.
ജമ്മുവിലെ എന്‍ഐഎ കോടതിയുടെ ഉത്തരവ് പ്രകാരമാണ് ഈ നീക്കം. കശ്മീരിലെ ഭീകരശൃംഖല തകര്‍ക്കാനുള്ള ശ്രമത്തിന്റെ ഭാഗമായിട്ടാണ് എന്‍ഐഎയുടെ ഈ നടപടി. ഇന്ത്യയുടെ സമാധനവും സുസ്ഥിരതയും തകര്‍ക്കാന്‍ ശ്രമിക്കുന്ന ഭീകരവാദശൃംഖലയെ ഇല്ലാതാക്കുകയാണ് എന്‍ഐഎയുടെ ലക്ഷ്യം.
ഹിസ്ബുള്‍ മുജാഹിദ്ദാന്‍ നേതാവ് സയ്യിദ് നവീദ് മുഷ്താഖിന്റെ അനുയായിയായ മീറിനെ 2024 ഏപ്രിലില്‍ ആണ് അറസ്റ്റ് ചെയ്തത്. 2024 ഒക്ടോബറില്‍ താരിഖ് അഹമ്മദ് മീറിനെതിരെ എന്‍ഐഎ കുറ്റപത്രം സമര്‍പ്പിച്ചു. അതിന് ശേഷം നടന്ന വിചാരണയിലാണ് എന്‍ഐഎ കോടതി മീറിന്റെ ഷോപിയാന്‍ ജില്ലയിലുള്ള സ്വത്തുക്കള്‍ കണ്ടുകെട്ടാന്‍ വിധിച്ചത്.
