ന്യൂദല്‍ഹി: കഴിഞ്ഞ 24 വര്‍ഷത്തെ മോദിയുടെ പ്രവര‍്ത്തനം അടുത്ത കണ്ട കേന്ദ്ര ആഭ്യന്തരമന്ത്രി അമിത് ഷാ പറയുന്നു: മോദി ഒരൊറ്റ ദിവസം പോലും അവധിയെടുത്തിട്ടില്ല.
ഈ 24 വര്‍ഷത്തില്‍ 11 വര്‍ഷം മോദി പ്രധാനമന്ത്രിയാണ്. ഇടവേളയില്ലാതെ തുടര്‍ച്ചയായി 11 വര്‍ഷം ഇന്ത്യയുടെ പ്രധാനമന്ത്രി. മറ്റൊരു 13 വര്‍ഷം ഗുജറാത്തിന്റെ മുഖ്യമന്ത്രിയും. ഇത്രയും ഭാരമേറിയ ഉത്തരവാദിത്വങ്ങള്‍ ഉണ്ടായിട്ടും ഒരു ദിവസം പോലും മോദി അവധിയെടുത്തിട്ടില്ലെന്ന് അമിത് ഷാ പറഞ്ഞു. മോദി പ്രധാനമന്ത്രിയായിരിക്കുന്ന ഈ വര്‍ഷങ്ങളില്‍ അമിത് ഷാ കേന്ദ്ര മന്ത്രിയായിരുന്നു. ഗുജറാത്തില്‍ മോദിയ്‌ക്കൊപ്പം മന്ത്രിയായിരുന്നിട്ടുണ്ട്. ഈ വര്‍ഷങ്ങളിലെല്ലാം മോദിയുടെ പ്രവര്‍ത്തനങ്ങളെ അമിത് ഷാ അടുത്തിരുന്ന് കണ്ടിട്ടുണ്ട്.
കടുകിട ഇളക്കമില്ലാത്ത മോദിയുടെ പ്രതിബദ്ധത സുപ്രസിദ്ധമാണെന്നും ഇന്ത്യയുടെ ചരിത്രത്തില്‍ ഏറ്റവും ജനപ്രിയനായ പ്രധാനമന്ത്രി മോദിയാണെന്നും അമിത് ഷാ പറഞ്ഞു.
