കണ്ണൂര്‍ : ‘ഓടക്കുഴല്‍ മറന്നുവച്ചിട്ടുണ്ട്. കണ്ണന് ബോധം തെളിയുമ്പോള്‍ വന്നെടുക്കാന്‍ അറിയിക്കുക’ എന്ന പ്രകോപനപരമായ അടിക്കുറിപ്പോടെ ബാര്‍ കൗണ്ടറില്‍ ഓടക്കുഴല്‍ വച്ച് ഫോട്ടോയെടുത്ത് പ്രചരിപ്പിച്ചയാള്‍ക്കെതിരെ പോലീസ് കേസെടുത്തു. സിപിഎം പ്രവര്‍ത്തകനായ ശരത്ത് വട്ടപ്പൊയ്യിലിനെതിരെയാണ് കേസ്. ബാറിലെ കൗണ്ടില്‍ ഓടക്കുഴല്‍ വച്ച് ചിത്രമെടുക്കുകയും മതവിശ്വാസത്തെ അപകീര്‍ത്തിപ്പെടുത്തുംവിധം പ്രകോപനപരമായ അടിക്കുറിപ്പോടെ ആ ചിത്രം സാമൂഹിക മാധ്യമങ്ങളില്‍ പ്രചരിപ്പിക്കുകയുമായിരുന്നു ഇയാള്‍ ചെയ്തത്.
ശ്രീകൃഷ്ണ ജയന്തി ദിനത്തിലായിരുന്നു ഇയാള്‍ പോസ്റ്റിട്ടത്. വിഭാഗങ്ങള്‍ തമ്മില്‍ കലാപം ഉണ്ടാക്കാന്‍ ശ്രമിച്ചതിനാണ് പോലീസ് കേസെടുത്തത്.
