മുംബൈ: താന് ഇന്ത്യയില് അതീവ ഗുരുതരമായ അവസ്ഥയിലൂടെ കടന്നുപോവുകയാണെന്ന് എഴുത്തുകാരി അരുന്ധതീ റോയി. എന്നാല് കണ്ടാല് ഒരിയ്ക്കലും അങ്ങിനെ തോന്നില്ലെന്ന് സമൂഹമാധ്യമങ്ങളില് പരിഹാസം. അത്രയ്ക്ക് നന്നായി ഒരുങ്ങിവന്നിരിക്കുന്ന അരുന്ധതീ റോയിയെയാണ് ഈ വീഡിയോയില് കാണാനാവുക.
എങ്ങിനെയാണ് ഇതിനുള്ളില് ജീവിക്കാന് കഴിയുക എന്നതിലാണ് എനിക്ക് ആശങ്ക. ഓരോ ദിവസവും എഴുന്നേല്ക്കുമ്പോള് ആള്ക്കൂട്ടക്കൊലപാതമോ കൂട്ടക്കൊലയോ നടക്കുകയാണ് ഇവിടെയെന്ന് അരുന്ധതീ റോയി പറയുന്നു.
അയല്പ്പക്കത്തുള്ള മുസ്ലിം സഹോദരന്മാരെ ബുള്ഡോസ് ചെയ്യുകയാണെന്നാണ് അരുന്ധതീ റോയിയുടെ മറ്റൊരു വിമര്ശനം. ഇന്ത്യയിലെ ബുദ്ധിജീവികള് എത്രത്തോളം ഭീകരമായ ചിത്രമാണ് ഇന്ത്യയെക്കുറിച്ച് നല്കുന്നതെന്ന് ചിലര് ഇതിനോട് പ്രതികരിക്കുന്നു. തലയില് പൂവും ചൂടി, ഷര്ട്ടിന് മുകളില് പിങ്ക് ഓവര്കോട്ടും അണിഞ്ഞ് നല്ല രീതിയില് ഒരുങ്ങിയാണ് അരുന്ധതീ റോയി ഈ അഭിമുഖത്തില് പ്രത്യക്ഷപ്പെടുന്നത്.
