കോട്ടയം: കാലിക്കറ്റ് സര്വകലാശാലയില് ഫിസിക്കല് എജ്യൂക്കേഷന് ഡയറക്ടറായി ഡോ. വി.പി. സക്കീര് ഹുസൈന് നിയമിക്കപ്പെട്ടത് മാനദണ്ഡങ്ങള് മറികടന്നെന്ന് വിവരാവകാശ രേഖകള്. പത്തു വര്ഷമായി സക്കീര് ഹുസൈന് അതേ സ്ഥാനത്തു തുടരുന്നെന്നതാണ് അതീവ ഗുരുതരം.
അംഗീകൃത സര്വകലാശാലയില് നിന്നുള്ള പിഎച്ച്ഡിയോടെ, അംഗീകാരമുള്ള കോളജില് ഫിസിക്കല് എജ്യൂക്കേഷന് സെലക്ഷന് ഗ്രേഡ് പ്രൊഫസറായി 15 വര്ഷത്തെ പരിചയമുള്ളവര്ക്കാണ് സ്പോര്ട്സ് ഡയറക്ടര് സ്ഥാനത്തേക്ക് അപേക്ഷിക്കാനാകൂയെന്നാണ് യുജിസി ചട്ടം. എന്നാല് യോഗ്യതയില്ലാതെ സക്കീര് ഹുസൈന് അപേക്ഷിച്ചു നിയമനം നേടി. വിവരാവകാശ രേഖ പ്രകാരം 2015ല് നിയമനം ലഭിച്ച സക്കീര് ഹുസൈന് 2007ല് മാത്രമാണ് പിഎച്ച്ഡിയെടുത്തത്. പിഎച്ച്ഡിയോടെയുള്ള പ്രവൃത്തി പരിചയം എട്ടു വര്ഷം മാത്രം. 2009ലാണ് സെലക്ഷന് ഗ്രേഡായത്. അതിനു മുമ്പു സക്കീര് ഹുസൈന് കൊണ്ടോട്ടി ഇഎംഇഎ കോളജില് അസിസ്റ്റന്റ് പ്രൊഫസര് മാത്രം.
2014ല് കോടതി ഇടപെട്ടു കാലിക്കറ്റ് യൂണിവേഴ്സിറ്റിയില് നിന്ന് യോഗ്യതയില്ലാത്ത മൂന്നു പേരെ പുറത്താക്കിയിരുന്നു. നിയമനം നടത്തുമ്പോള് മാനദണ്ഡങ്ങള് പാലിക്കണമെന്ന കോടതി നിരീക്ഷണവും മറികടന്നാണ് അന്നത്തെ വൈസ് ചാന്സലര് സക്കീര് ഹുസൈന് നിയമന ഉത്തരവ് നല്കിയതെന്നതു വ്യക്തം. വിവരാവകാശ രേഖ പുറത്തായതോടെ നിയമം അട്ടിമറിച്ചു നിയമിതനായ ഡയറക്ടര് എങ്ങനെ തങ്ങളെ നയിക്കുമെന്ന് അധ്യാപകരും വിദ്യാര്ഥികളും ഒരേ സ്വരത്തില് ചോദിക്കുന്നു. മതിയായ യോഗ്യതയില്ലാതെയാണ് സക്കീര് ഹുസൈനു നിയമനം ലഭിച്ചതെന്നു കാട്ടി വിദ്യാര്ത്ഥികള് ഗവര്ണര്ക്കു പരാതി അയച്ചിട്ടുണ്ട്. ഡയറക്ടറായ ശേഷമുള്ള അദ്ദേഹത്തിന്റെ വിവിധ നടപടികള്ക്കെതിരേ പരാതികളുണ്ട്.
ജന്മഭൂമി ഓണ്ലൈന്