കൊൽക്കത്ത : ബിജെപി നേതാവും മുതിർന്ന നടനുമായ മിഥുൻ ചക്രവർത്തി തൃണമൂൽ കോൺഗ്രസ് വക്താവ് കുനാൽ ഘോഷിനെതിരെ 100 കോടി രൂപയുടെ മാനനഷ്ടക്കേസ് ഫയൽ ചെയ്തു. ചിറ്റ് ഫണ്ട് അഴിമതിയുമായി മിഥുനെ , ഘോഷ് ബന്ധിപ്പിച്ചതായും ബിജെപിയിൽ ചേർന്നതിന് പിന്നിൽ സ്വാർത്ഥതയുണ്ടെന്ന് ആരോപിച്ചുവെന്നും മിഥുൻ ചക്രവർത്തി പറയുന്നു.
ഇതിന്റെ പശ്ചാത്തലത്തിലാണ് കേസ് ഫയൽ ചെയ്തത്. കൂടാതെ കുനാൽ ഘോഷ് തന്റെ മകനെക്കുറിച്ച് തെറ്റായ കിംവദന്തികൾ പ്രചരിപ്പിച്ചതായും മിഥുൻ ചക്രവർത്തി ആരോപിച്ചു. കേസ് അടുത്ത ആഴ്ച പരിഗണിച്ചേക്കും.
അതേ സമയം ടിഎംസി വക്താവ് കുനാൽ ഘോഷും ഈ വിഷയത്തിൽ പ്രതികരിച്ചു. മിഥുൻ ചക്രവർത്തി എനിക്കെതിരെ 100 കോടി രൂപയ്ക്ക് മാനനഷ്ടക്കേസ് ഫയൽ ചെയ്തിട്ടുണ്ടെന്ന് മാധ്യമങ്ങളിൽ നിന്നാണ് ഞാൻ അറിഞ്ഞത്. എനിക്ക് ഇതുവരെ ഒരു കത്തും ലഭിച്ചിട്ടില്ല. ഈ വിഷയത്തിൽ ഞാൻ അദ്ദേഹത്തിനെതിരെയും കേസ് ഫയൽ ചെയ്തിട്ടുണ്ടെന്ന് കുനാൽ ഘോഷ് പറഞ്ഞു.
