മലപ്പുറം: കേരളത്തിൽ വീണ്ടും അമീബിക് മസ്തിഷ്കജ്വരത്തിന്റെ രോഗബാധ സ്ഥിരീകരിച്ചു. മലപ്പുറം സ്വദേശിയായ പത്തു വയസ്സുകാരനാണ് രോഗം ബാധിച്ചത്. കുട്ടിക്ക് അസ്വസ്ഥതകള്‍ അനുഭവപ്പെട്ടതിനെ തുടർന്ന് നടത്തിയ പരിശോധനയിലാണ് അപൂർവ രോഗം സ്ഥിരീകരിച്ചത്.
രോഗബാധ സ്ഥിരീകരിച്ച കുട്ടിയെ കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചിരിക്കുകയാണ്. വിദഗ്ധ ഡോക്ടർമാരുടെ പ്രത്യേക മേല്‍നോട്ടത്തിലാണ് ഇപ്പോള്‍ ചികിത്സ പുരോഗമിക്കുന്നത്. കുട്ടിയുടെ ആരോഗ്യനില നിരന്തരം വിലയിരുത്തപ്പെടുന്നുവെന്നും ആവശ്യമായ എല്ലാ സൗകര്യങ്ങളും ചികിത്സയ്‌ക്കായി ഒരുക്കിയിട്ടുണ്ടെന്നും ആശുപത്രി അധികൃതർ അറിയിച്ചു.
