തിരുവനന്തപുരം: പാലക്കാട് എംഎല്‍എ രാഹുല്‍ മാങ്കൂട്ടത്തിലുമായി ബന്ധപ്പെട്ട കേസില്‍ ഇരുട്ടില്‍ തപ്പി ക്രൈംബ്രാഞ്ച്. യുവതിയെ തങ്ങള്‍ കണ്ടുവെന്ന് വെളിപ്പെടുത്തിയ വനിതാ മാധ്യമപ്രവര്‍ത്തകരാകട്ടെ അവരുടെ വിശദാംശങ്ങള്‍ പുറത്തുവിടില്ലെന്ന നിലപാടിലുമാണ്. യുവതികളുടെ അനുമതിയില്ലെന്നാണ് അവര്‍ പറയുന്ന ന്യായം.
അതിനിടെ രണ്ട് യുവതികള്‍ ഗര്‍ഭഛിദ്രത്തിന് വിധേയരായെന്ന സൂചനയും പുറത്തു വരുന്നുണ്ട്. അദ്യം ഗര്‍ഭഛിദ്രത്തിന് വിധേയരായ യുവതിയും ബന്ധുവും രണ്ടാമത്തെ യുവതിയെ സഹായിച്ചെന്നാണ് വാര്‍ത്തകള്‍. ഈ യുവതികളെ കണ്ടെത്തി അവരില്‍ നിന്ന് പരാതി എഴുതിവാങ്ങാനാണ് ക്രൈബ്രാഞ്ച് ഒരുങ്ങുന്നത്. എന്നാല്‍ നിലവിലെ സാഹചര്യത്തില്‍ പരാതിപ്പെടുന്നില്ലെന്ന നിലപാടില്‍ തന്നെയാണ് അവരെന്നാണ് അറിയുന്നത്. ഉഭയ സമ്മതപ്രകാരമുള്ള ബന്ധമെന്ന നിലയ്‌ക്ക് പരാതി നല്‍കിയാല്‍ തന്നെ നിലനില്‍ക്കുമോ എന്നതാണ് ഇക്കാര്യത്തില്‍ പ്രധാന പ്രശ്‌നം.
ആദ്യയുവതി ബംഗളൂരുവിലെ ആശുപത്രിയിലാണ് ഗര്‍ഭഛിദ്രം നടന്നതെന്ന വിവരവും ക്രൈംബ്രാഞ്ച് ഒട്ടൊക്കെ ഉറപ്പിച്ചിട്ടുണ്ട്. ആശുപത്രി കേന്ദ്രീകരിച്ച് വിശദമായ അന്വേഷണത്തിലാണ് അവര്‍.
രാഹുല്‍ കേസില്‍ വലഞ്ഞ് ക്രൈംബ്രാഞ്ച്, വിശദാംശങ്ങള്‍ പുറത്തുവിടാതെ വനിതാ മാധ്യമപ്രവര്‍ത്തകര്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.