ന്യൂദല്ഹി: ജപ്പാന് സന്ദര്ശന വേളയില് പ്രധാനമന്ത്രി നരേന്ദ്ര മോദി ടോക്കിയോയിലെ ഷോറിന്സാന് ധാരുമ-ജി ക്ഷേത്രം സന്ദര്ശിച്ചു. ക്ഷേത്രത്തിലെ മുഖ്യ പുരോഹിതന് മോദിക്ക് സമ്മാനിച്ചത് ധാരുമ പാവയെയാണ്. ഈ പാവയെക്കുറിച്ച് ഇപ്പോള് സോഷ്യല്മീഡിയയില് ചര്ച്ച സജീവമാണ്. കാഞ്ചീപുരത്ത് നിന്നും പ്രയാണം ആരംഭിച്ച ബോധിധര്മ്മനെ ഓര്മിപ്പിക്കുന്ന പാവയാണിത്.
ഇതെക്കുറിച്ച് വിശദീകരിക്കുന്ന പ്രേം ശൈലേഷിന്റെ ഫെയ്സ് ബുക്ക് പോസ്റ്റ് ഇങ്ങനെ: ഒരു ചുവരിനു മുന്നിലാണ് ബോധിധര്മ്മന് ഇരുന്നത്. സദസ്സിനു പുറംതിരിഞ്ഞ്, ചുമരുനോക്കി, ഒന്പതുവര്ഷം അദ്ദേഹമിരുന്നു. ആളുകള് വരും, പക്ഷേ അദ്ദേഹം ചുമരിനെയാണ് അഭിമുഖീകരിച്ചത്. ആളുകള് ചോദ്യങ്ങള് ചോദിക്കും, പക്ഷേ അദ്ദേഹം ചുമരിനാണ് ഉത്തരം നല്കിയത്.
ചക്രവര്ത്തി ഇതുകണ്ട് അത്ഭുതപ്പെട്ടു. അദ്ദേഹം ചോദിച്ചു,
‘അങ്ങ് ചുമരിനെ നോക്കിയിരിക്കുന്നത് എന്തുകൊണ്ടാണ്? ഇതുവരെ ഇങ്ങനെയൊന്ന് കേട്ടിട്ടേയില്ല. അങ്ങ് ആളുകളോടല്ലേ സംസാരിക്കുന്നത്, അപ്പോ അവരെയല്ലേ നോക്കിയിരിക്കേണ്ടത്.’ ബോധിധര്മ്മന് ചുമരിനെ നോക്കിത്തന്നെ പറഞ്ഞു:
”അനേകം പേരോട്, അവരെ നോക്കി ഞാന് സംസാരിച്ചിട്ടുണ്ട്.
പക്ഷേ ഞാന് സംസാരിക്കുന്നത് ചുമരിനോടാണെന്ന് എപ്പോഴും ഞാന് മനസ്സിലാക്കി. അവര് കേള്ക്കുന്നുണ്ട്, പക്ഷേ ശ്രദ്ധിക്കുന്നില്ല. അവര് മനസ്സിലായെന്നു ഭാവിക്കും. പക്ഷേ
എപ്പോഴും തെറ്റിദ്ധരിക്കുകയേയുള്ളൂ.”
കാഞ്ചീപുരത്ത് നിന്നും പ്രയാണം ആരംഭിച്ച ബോധിധര്മ്മന് ജപ്പാനില് അറിയപ്പെടുന്നത് ധാരുമ ദേശി എന്നാണ്. ഒന്പത് വര്ഷങ്ങള് ചുവരിനെ മാത്രം നോക്കി സംസാരിച്ച ബോധി ധര്മ്മന്റെ അവയവങ്ങള് ചുരുങ്ങി എന്നാണ് ജപ്പാനില് വിശ്വസിക്കുന്നത്. കണ്ണുകള് പോലുമില്ലാത്ത ഈ ബോധിധര്മ്മന്റെ ധാരുമ പാവയാണ് നമ്മുടെ പ്രധാനമന്ത്രിക്ക് ജപ്പാനിലെ പുരോഹിതന് സന്ദര്ശന വേളയില് സമ്മാനമായി നല്കിയത്…
കണ്ണുകള് ഇല്ലാതെയാണ് പാവ നല്കുന്നത്. ഒരു ലക്ഷ്യം, അല്ലെങ്കില് കാര്യസാധ്യത്തിന് തുടക്കം കുറിക്കുമ്പോള് ജപ്പാന്കാര് പാവയുടെ ആദ്യത്തെ കണ്ണ് ചായം പൂശി നിറയ്ക്കുന്നു. ലക്ഷ്യം പൂര്ത്തിയായാല് മാത്രം രണ്ടാമത്തെ കണ്ണുകളും ചായം പൂശി നിറച്ച് അതിനെ പൂര്ണമാക്കുന്നു. ഭാഗ്യത്തിനും കാര്യസാധ്യത്തിനും ധാരുമ പാവ നല്ലതാണെന്നാണ് അവരുടെ വിശ്വാസം.
വലിയ ലക്ഷ്യങ്ങള്ക്ക് പോകുന്നതിന് മുന്നേയായി ജപ്പാനിലെ യോദ്ധാക്കളും ചക്രവര്ത്തിമാരും ഷോഗണ്ണുകളും ധാരുമയുടെ ഉത്ഭവ ക്ഷേത്രമായ തകസാക്കിയിലെ ധാരുമ ക്ഷേത്രത്തില് ചെന്ന് അനുഗ്രഹം വാങ്ങാറുണ്ട്. ജപ്പാന്കാര് ഒരാള്ക്ക് ഇത് സമ്മാനമായി നല്കുന്നു എന്നുണ്ടെങ്കില് അവരുടെ വലിയ ലക്ഷ്യത്തിന് ആശംസയും പ്രാര്ത്ഥനയും
അര്പ്പിക്കുന്നുണ്ട് എന്നാണ് വിശ്വാസം…
ധാരുമ പാവയ്ക്ക് മറ്റൊരു പ്രത്യേകത കൂടിയുണ്ട്. അത് അതിന്റെ നിര്മ്മാണത്തിലെ പ്രത്യേകതയാണ്. ഈ പാവയ്ക്ക് വീഴാന് കഴിയില്ല.
അത് വീഴുമെന്ന് തോന്നുമെങ്കിലും തിരിച്ച് ശക്തമായി മുന്നോട്ട് ആയും. അതിനും ജപ്പാനില് ഒരു തത്വമുണ്ട്. നന്നകൊറോബി യാക്കി എന്നാണ് ജപ്പാന്കാര് അതിനെ പറയുക..എന്ന് വെച്ചാല്, ‘ഏഴ് തവണ നിങ്ങള് വീണാലും ശരി, എട്ടാം തവണ ഉയിര്ത്തെഴുനെറ്റിരിക്കണം..
