തിരുവനന്തപുരം: മുന്മന്ത്രി കടകംപള്ളി സുരേന്ദ്രനെതിരെ കേസെടുക്കണം എന്നാവശ്യപ്പെട്ട് ഡിജിപിക്ക് പരാതി നല്കി കോണ്ഗ്രസ് നേതാവ്. സ്വപ്ന സുരേഷിന്റെ വെളിപ്പെടുത്തലിന്റെ പശ്ചാത്തലത്തിലാണിത്. കോണ്ഗ്രസ് നേതാവും പോത്തന്കോട് ബ്ലോക്ക് പഞ്ചായത്ത് മുന് പ്രസിഡന്റുമായ എം. മുനീര് ആണ് പരാതി നല്കിയത്.
മുന് മന്ത്രി മോശമായി സംസാരിക്കുകയും സമീപ്പിക്കുകയും ചെയ്തുവെന്നായിരുന്നു സ്വപ്നസുരേഷിന്റെ വെളിപ്പെടുത്തല്. ഈ വെളിപ്പെടുത്തലിന്റെ അടിസ്ഥാനത്തില് കേസെടുക്കണമെന്നാണ് എം മുനീറിന്റെ ആവശ്യം. സ്വര്ണക്കടത്ത് കേസില് ഉള്പ്പെട്ട സ്വപ്ന സുരേഷ്, 2022-ല് ചാനലുകളിലൂടെ കടകംപള്ളി സുരേന്ദ്രനെതിരെ ഒരു വെളിപ്പെടുത്തല് നടത്തിയിരുന്നു.
അദ്ദേഹത്തില്നിന്ന് ലൈംഗിക അതിക്രമത്തിനുള്ള ശ്രമമുണ്ടായെന്നും മോശപ്പെട്ട രീതിയിലുള്ള സന്ദേശങ്ങള് അയച്ചിരുന്നുവെന്നുമാണ് അന്ന് സ്വപ്ന വെളിപ്പെടുത്തിയത്. അതിന്റെ അടിസ്ഥാനത്തില് ഇപ്പോള് മുന് മന്ത്രിക്കെതിരെ കേസെടുക്കണം എന്നാണ് മുനീര് ഡിജിപിക്ക് അയച്ച കത്തില് ആവശ്യപ്പെടുന്നത്.
