തിരുവനന്തപുരം: ഓണം വാരാഘോഷത്തിന്റെ സംസ്ഥാനതല ഉദ്ഘാടനം മുഖ്യമന്ത്രി പിണറായി വിജയന് നിര്വഹിക്കും. സെപ്റ്റംബര് മൂന്നിന് വൈകിട്ട് ആറുമണിക്ക് നിശാഗന്ധിയില് നടക്കുന്ന ചടങ്ങില് സംവിധായകനും നടനുമായ ബേസില് ജോസഫ്, തമിഴ് നടന് ജയം രവി എന്നിവര് മുഖ്യാതിഥികളാകും. ഉദ്ഘാടനത്തിന് ശേഷം നിശാഗന്ധിയില് മ്യൂസിക്ക് നൈറ്റ് അരങ്ങേറും.
സെന്ട്രല് സ്റ്റേഡിയം, പൂജപ്പുര മൈതാനം, ഗ്രീന് ഫീല്ഡ്, ശംഖുമുഖം, ഭാരത് ഭവന്, ഗാന്ധിപാര്ക്ക്, വൈലോപ്പിളളി സംസ്കൃതി ഭവന്, മ്യൂസിയം കോമ്പൗണ്ട് തുടങ്ങി 33 വേദികളിലാണ് കലാപരിപാടികള് അരങ്ങേറുക.
ഓണാഘോഷത്തോട് അനുബന്ധിച്ച് സെന്ട്രല് സ്റ്റേഡിയത്തില് ചൊവ്വാഴ്ച വൈകിട്ട് അഞ്ചിന് നടക്കുന്ന പ്രദര്ശന വടംവലിയില് എം എല് എമാര്, കോര്പ്പറേഷന്, ജില്ലാ പഞ്ചായത്ത്, സെക്രട്ടേറിയറ്റ് ജീവനക്കാര്, മാധ്യമ പ്രവര്ത്തകര് തുടങ്ങിയവര് പങ്കെടുക്കും. പ്രമോദ് പയ്യന്നൂര്, ജി.എസ്.പ്രദീപ് എന്നിവരുടെ നേതൃത്വത്തില് വിവിധ കേരളീയ കലാരൂപങ്ങളുടെ ദൃശ്യാവിഷ്കാരത്തിന് നിശാഗന്ധി വേദിയാകും.
സംഗീത സംവിധായകന് ശരത്തിന്റെ സംഗീതനിശയും മനോ, ചിന്മയീ, വിനീത് ശ്രീനിവാസന്, സിത്താര കൃഷ്ണകുമാര് തുടങ്ങിയവരുടെ സംഗീതപരിപാടികളും സുരാജ് വെഞ്ഞാറമൂടിന്റെ മെഗാഷോയും നിശാഗന്ധിയില് നടക്കും. നരേഷ് അയ്യര്, ബിജു നാരായണന്, കല്ലറ ഗോപന്, സുധീപ് കുമാര്, വിധു പ്രതാപ്, നജിം അര്ഷാദ്, രമ്യ നമ്പീശന്, രാജേഷ് ചേര്ത്തല, നിത്യ മാമ്മന്, പുഷ്പവതി എന്നിവരുടെ സംഗീത പരിപാടികള് വിവിധ വേദികളിലായി അരങ്ങേറും.
സര്ക്കാരിന്റെ ഓണം വാരാഘോഷം: സെപ്തംബര് 3ന്, ബേസില് ജോസഫ്, ജയം രവി മുഖ്യാതിഥികള്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.