ന്യൂദല്ഹി: മുസ്ലീംലീഗ് ദേശീയ ആസ്ഥാനമന്ദിര ഉദ്ഘാടനചടങ്ങില് നിന്ന് വിട്ടുനിന്ന് കോണ് ഗ്രസ് അടക്കമുള്ള ഇന്ഡി സഖ്യം നേതാക്കള്.
കോണ്ഗ്രസ് നേതാക്കളായ സോണിയ ഗാന്ധി, വയനാട് എംപി പ്രിയങ്കാ വാദ്ര, എസ്പി നേതാവ് അഖിലേഷ് യാദവ് തുടങ്ങിയവരൊന്നും ചടങ്ങില് പങ്കെടുത്തില്ല. ഞായറാഴ്ചയാണ് മുസ്ലീംലീഗിന്റെ ദേശീയ ആസ്ഥാനമന്ദിരം ദേശീയ രാഷ്ട്രീയകാര്യ സമിതി ചെയര്മാന് പാണക്കാട് സാദിക്കലി ശിഹാബ് തങ്ങള് ഉദ്ഘാടനം ചെയ്തത്. ദരിയാ ഗഞ്ചിലെ ശ്യാം ലാല് മാര്ഗിലെ കെട്ടിടത്തില് ഉദ്ഘാടന ചടങ്ങും ജനഹര്ലാല് നെഹ്റു സ്റ്റേഡിയത്തിലെ ഹാളില് പൊതുസമ്മേളനവുമാണ് സംഘടിപ്പിച്ചിരുന്നത്.
സോണിയ ഗാന്ധിയും പ്രിയങ്കാ വാദ്രയും ദല്ഹിയില് ഉണ്ടായിരുന്നെങ്കിലും ഒരു പരിപാടിയിലും പങ്കെടുത്തില്ല. പ്രിയങ്ക ആശംസാ സന്ദേശം അറിയിച്ചു. കോണ്ഗ്രസിന്റെ ഭാഗത്ത് നിന്ന് ജനറല് സെക്രട്ടറി കെ.സി. വേണുഗോപാലും കോഴിക്കോട് എംപി എം.കെ. രാഘവനുമാണ് പങ്കെടുത്തത്.
ഓഫീസ് ഉദ്ഘാടനം ഇന്ഡി സഖ്യത്തിന്റെ ശക്തി പ്രകടനമാകുമെന്നായിരുന്നു ലീഗിന്റെ പ്രതീക്ഷ. എന്നാല് അതുണ്ടായില്ല. പ്രമുഖനേതാക്കള് ചടങ്ങില് നിന്ന് വിട്ടുനിന്നത് ലീഗ് നേതൃത്വത്തിന് തിരിച്ചടിയായിരിക്കുകയാണ്. കേരളത്തില് നിന്നടക്കമുള്ള പ്രവര്ത്തകര് ഉദ്ഘാടനത്തിനായി തലസ്ഥാനത്ത് എത്തിയിരുന്നു.
