ഭുവനേശ്വര്‍: ഭാരതത്തിന്റെ അഭിമാന പദ്ധതിയായ ത്തിന്റെ (ഐഎഡിഡബ്ല്യുഎസ്) ആദ്യ പറക്കല്‍ പരീക്ഷണം വിജയകരം.
ഡിഫന്‍സ് റിസര്‍ച്ച് ആന്‍ഡ് ഡെവലപ്മെന്റ് ഓര്‍ഗഇന്റഗ്രേറ്റഡ് എയര്‍ ഡിഫന്‍സ് വെപ്പണ്‍ സിസ്റ്റനൈസേഷന്‍ (ഡിആര്‍ഡിഒ) ആണ് ഒഡീഷ തീരത്ത് വച്ച് സംയോജിത വ്യോമ പ്രതിരോധ ആയുധ സംവിധാനത്തിന്റെ ആദ്യ പറക്കല്‍ പരീക്ഷണം നടത്തിയത്.
ഭാരതം തദ്ദേശീയമായി വികസിപ്പിച്ചെടുത്ത എല്ലാ ക്വിക്ക് സ്‌ട്രൈക്ക് സര്‍ഫേസ്-ടു-എയര്‍ മിസൈലുകളും (ക്യൂആര്‍എസ്എഎം), അഡ്വാന്‍സ്ഡ് വെരി ഷോര്‍ട്ട് റേഞ്ച് എയര്‍ ഡിഫന്‍സ് സിസ്റ്റം (വിഎസ്എച്ച്ഒആര്‍എഡിഎസ്) മിസൈലുകളും ഉയര്‍ന്ന പവര്‍ ലേസര്‍ അധിഷ്ഠിത ഡയറക്റ്റഡ് എനര്‍ജി വെപ്പണും (ഡിഇഡബ്ലു) ഉള്‍പ്പെടുന്ന ഒരു മള്‍ട്ടി-ലെയേര്‍ഡ് എയര്‍ ഡിഫന്‍സ് സിസ്റ്റമാണ് ഐഎഡിഡബ്ല്യുഎസ്.
എല്ലാ ആയുധ സംവിധാന ഘടകങ്ങളുടെയും സംയോജിത പ്രവര്‍ത്തനം നടത്തുന്നത് ഡിആര്‍ഡിഒ വികസിപ്പിച്ചെടുത്ത ഒരു കേന്ദ്രീകൃത കമാന്‍ഡ് ആന്‍ഡ് കണ്‍ട്രോള്‍ സെന്ററില്‍ നിന്നാണ്.
പറക്കല്‍ പരീക്ഷണങ്ങള്‍ക്കിടെ, വ്യത്യസ്ത ദൂരങ്ങളിലും ഉയരങ്ങളിലുമുള്ള മൂന്ന് വ്യത്യസ്ത ലക്ഷ്യങ്ങളെ ക്യൂആര്‍എസ്എഎം, വിഎസ്എച്ച്ഒആര്‍എഡിഎസ്, ഹൈ എനര്‍ജി ലേസര്‍ ആയുധ സംവിധാനം എന്നിവ ഒരേസമയം ആക്രമിച്ചു. ലക്ഷ്യങ്ങള്‍ പൂര്‍ണ്ണമായും നശിപ്പിച്ചു.
പരീക്ഷണങ്ങള്‍ വിജയകരമായി പൂര്‍ത്തിയാക്കിയതിന് പ്രതിരോധ മന്ത്രി രാജ്‌നാഥ് സിങ് ഡിആര്‍ഡിഒയെ അഭിനന്ദിച്ചു.
ഐഎഡിഡബ്ല്യുഎസിന്റെ പറക്കല്‍ പരീക്ഷണ വിജയത്തില്‍ ഡിആര്‍ഡിഒ, ഭാരത സായുധ സേന, വ്യവസായം എന്നിവയെ ഞാന്‍ അഭിനന്ദിക്കുന്നുവെന്ന് രാജ്‌നാഥ് സിങ് എക്‌സില്‍ കുറിച്ചു.
ഈ അതുല്യമായ പറക്കല്‍ പരീക്ഷണം നമ്മുടെ രാജ്യത്തിന്റെ ബഹുതല വ്യോമ പ്രതിരോധ ശേഷി സ്ഥാപിച്ചു. ശത്രു വ്യോമ ഭീഷണികള്‍ക്കെതിരായ പ്രധാനപ്പെട്ട സൗകര്യങ്ങള്‍ക്കായി ഇത് പ്രാദേശിക പ്രതിരോധം ശക്തിപ്പെടുത്തും, രാജ്‌നാഥ് സിങ് എക്‌സില്‍ കുറിച്ചു.
