കോഴിക്കോട്: സ്ത്രീകള്‍ക്കെതിരെ ലൈംഗികാതിക്രമം നടത്തിയ രാഹുല്‍ മാങ്കൂട്ടത്തില്‍ എംഎല്‍എയായി ഒരു നിമിഷം പോലും ആ പദവിയിലിരിക്കാന്‍ അര്‍ഹനല്ലെന്നും, അദ്ദേഹം എംഎല്‍എ സ്ഥാനം രാജിവെക്കണമെന്നും മഹിളാ മോര്‍ച്ച സംസ്ഥാന പ്രസിഡന്റ് നവ്യാ ഹരിദാസ് ആവശ്യപ്പെട്ടു.
ലൈംഗിക ചൂഷണത്തിന് വിധേയരായ നിരവധി സ്ത്രീകള്‍ പരാതിപ്പെട്ടിട്ടും രാഹുല്‍ മാങ്കൂട്ടത്തിലിനെതിരെ യാതൊരു നടപടിയും സ്വീകരിക്കാത്ത കോണ്‍ഗ്രസ്സ് നേതൃത്വം കേരളത്തിലെ സ്ത്രീകളോട് മാപ്പ് പറയണം. യൂത്ത് കോണ്‍ഗ്രസ് അദ്ധ്യക്ഷ സ്ഥാനം മാത്രമല്ല രാജിവെക്കേണ്ടത്.തെരഞ്ഞെടുക്കപ്പെട്ട ജനപ്രതിനിധി എന്ന നിലയില്‍ ഭരണഘടനയോടും ജനങ്ങളോടും ഉത്തരവാദിത്വം കാണിച്ച് എംഎല്‍എസ്ഥാനമാണ് രാജിവെക്കേണ്ടത്. അവര്‍ പറഞ്ഞു.
സ്ത്രീകള്‍ക്കെതിരെ ലൈംഗികാതിക്രമം നടത്തി സ്ത്രീത്വത്തെ അപമാനിച്ച രാഹുലിനെ സംരക്ഷിക്കുവാന്‍ ആരെല്ലാം ശ്രമിച്ചാലും എംഎല്‍എ സ്ഥാനം രാജിവെക്കുന്നത് വരെ ശക്തമായ പ്രതിഷേധ സമരങ്ങളുമായി സംസ്ഥാനത്തെ മുഴുവന്‍ വനിതകളും തെരുവിലിറങ്ങും. സമാധാനപരമായി എംഎല്‍എ ഓഫീസിലേക്ക് സമരം ചെയ്ത മഹിളാമോര്‍ച്ചാ പ്രവര്‍ത്തകരെ അറസ്റ്റ് ചെയ്ത പോലീസ് നടപടി അപലപനീയമാണെന്നും അവര്‍ കൂട്ടിച്ചര്‍ത്തു.
