എറണാകുളം : പറവൂരിലെ വീട്ടമ്മയുടെ ആത്മഹത്യയില് പ്രതികളുടെ മകളെ പൊലീസ് കസ്റ്റഡിയിലെടുത്തു.ഭര്ത്താവ് ജോലി ചെയ്യുന്ന സ്ഥലത്ത് എത്തിയാണ് പൊലീസ് മകളെ കസ്റ്റഡിയിലെടുത്തത്.
വൈകിട്ട് ഏഴു മണിയോടുകൂടി മഫ്തിയിലെത്തിയ പൊലീസ് സംഘം ഇവരെ കസ്റ്റഡിയിലെടുക്കാന് എത്തി.എന്നാല് പൊലീസുകാരെ അഭിഭാഷകര് തടഞ്ഞു.തുടര്ന്ന് സ്ഥലത്ത് വലിയ പ്രതിഷേധം ഉണ്ടായി. പിന്നാലെ കോടതി ഉത്തരവുമായെത്തി പ്രതികളുടെ മകളെ പൊലീസ് കസ്റ്റഡിയിലെടുക്കുകയായിരുന്നു.
എന്നാല് മജിസ്ട്രേറ്റിനെ തെറ്റിദ്ധരിപ്പിച്ചാണ് പൊലീസ് കസ്റ്റഡിയിലെടുക്കാന് ഉത്തരവുമായെത്തിയതെന്ന് അഭിഭാഷക പറഞ്ഞു. ബലം പ്രയോഗിച്ചാണ് അവരെ കസ്റ്റഡിയിലെടുത്തിരിക്കുന്നതെന്നും അഭിഭാഷകര് മാധ്യമങ്ങളോട് പറഞ്ഞു.
ഇന്നലെ വൈകിട്ടാണ് കോട്ടുവള്ളി സ്വദേശി ആശ പലിശക്കാരിയുടെ ഭീഷണിയെ തുടര്ന്ന് പുഴയില്ച്ചാടി ജീവനൊടുക്കിയത്. മുന് പൊലീസ് ഉദ്യോഗസ്ഥന് പ്രദീപ് കുമാറിന്റെ ഭാര്യ ബിന്ദുവാണ് ഇവര്ക്ക് പണം വായ്പ നല്കിയത്. പ്രദീപ് കുമാറും ആശയും ബിന്ദുവിനെ ഭീഷണിപ്പെടുത്തിയെന്ന് ഭര്ത്താവ് ബെന്നി ആരോപിച്ചു. ആശയുടെ ആത്മഹത്യ കുറിപ്പിലും ഇത് സംബന്ധിച്ച വെളിപ്പെടുത്തല് ഉണ്ടായിരുന്നു. രണ്ട് തവണകളായി 10 ലക്ഷം രൂപയാണ് ബിന്ദുവില് നിന്ന് ആശ വാങ്ങിയതെങ്കിലും 24 ലക്ഷത്തോളം തിരികെ നല്കിയെന്ന് കുടുംബം പറയുന്നു.
സംഭവത്തെ തുടര്ന്ന് പ്രദീപ് കുമാറിനും ആശയ്ക്കുമെതിരെ ആത്മഹത്യ പ്രേരണയ്ക്ക് കേസെടുത്തു. ഇതോടെ ഇവര് ഒളിവില് പോയി.
