കൊച്ചി ; മമ്മൂട്ടിയെക്കുറിച്ച് നിർമാതാവ് സാന്ദ്ര തോമസ് നടത്തിയ പരാമർശം ഇതിനോടകം ചർച്ചയായിട്ടുണ്ട്.പ്രൊഡ്യൂസേർസ് അസോസിയേഷനിലെ ചിലർക്കെതിരെ താൻ നൽകിയ പരാതി പിൻവലിക്കണമെന്ന് മമ്മൂട്ടി തന്നോട് ആവശ്യപ്പെട്ടിരുന്നെന്നാണ് സാന്ദ്ര തോമസ് അഭിമുഖത്തിൽ പറഞ്ഞത്.
മമ്മൂട്ടിക്കെതിരെ സോഷ്യൽ മീഡിയയിൽ വലിയ വിമർശനം വരുന്നുണ്ട്. ഇതിനിടെ നടൻ ബിജു പപ്പൻ മമ്മൂട്ടിയെ കുറിച്ച് പറഞ്ഞ കാര്യങ്ങളാണ് ഇപ്പോൾ വൈറലാകുന്നത് .
ഇഷ്ടമുള്ള ആളുകളെ പുള്ളി അടുത്തേക്ക് വിളിക്കും. അല്ലാതെ പുള്ളി ആരെയും നോക്കില്ല. 50 പ്ലെയിനുണ്ട് എന്നൊന്നും പുള്ളിയോട് പറഞ്ഞിട്ട് കാര്യമില്ല. മമ്മൂക്കയുടെ അടുത്ത് വരണമെങ്കിൽ മമ്മൂക്കയുടെ പടങ്ങൾ കാണാറുണ്ട്, അവന് ജീവിതത്തിൽ ഏറ്റവും ഇഷ്ടം മമ്മൂക്കയാണ്, ആ പടത്തിൽ മമ്മൂക്കയിട്ട പാന്റിന്റെ കളർ വരെ അറിയാം എന്നൊക്കെ പറയണം. അപ്പോൾ അവനെ വിളിക്കാൻ പറയും. മമ്മൂക്ക കാരവാനിലിരുന്ന് ടെലിഫിലിമുകളിലെ തമാശകളെല്ലാം ആസ്വദിക്കും. ഈ ആളുകളെ പുള്ളി എവിടെയെങ്കിലും വെച്ച് കാണുമ്പോൾ കൊള്ളാം എന്ന് പറയും. എന്നിട്ട് അവന് ഒരു വേഷവും വാങ്ങിക്കൊടുക്കും.
നമ്മൾ കാരവാനിൽ കയറാതെ മാറിയിരുന്നാലും മമ്മൂക്ക വിളിച്ച് കയറ്റും. കാരണം നമ്മളൊരു ഉപദ്രവകാരിയല്ലെന്ന് മമ്മൂക്കയ്ക്ക് അറിയാം. നമ്മൾ അതിനുള്ളിൽ കയറി മമ്മൂക്കയുടെ ഡ്രസുകൾ വലിച്ചിടുകയും കണ്ണാടിയെടുത്ത് വെക്കുകയും ചെയ്താൽ ഇവനെ ഇതിനകത്തേക്ക് കയറ്റേണ്ടെന്ന് ആദ്യമേ പറയും. നമ്മൾ കാരവാനകത്ത് ഏത് സമയത്തും ഇറങ്ങട്ടേ എന്ന് പറയുന്ന രീതിയിലാണ് ഇരിക്കുന്നതെന്നും ബിജു പപ്പൻ പറയുന്നു.
