തിരുപ്പതി:: തിരുപ്പതിക്ഷേത്രത്തിലേക്ക് രണ്ടരക്കിലോ സ്വര്‍ണ്ണം സംഭാവനയായി നല്‍കി ചെന്നൈയില്‍ നിന്നുള്ള ബിസിനസ് ഗ്രൂപ്പ്. തിരുപ്പതി ക്ഷേത്രത്തിലേക്ക് സ്വര്‍ണ്ണത്തില്‍ പണിയിച്ച് നല്‍കിയ ശംഖിനും ചക്രത്തിനും ഏകദേശം രണ്ടരക്കോടി രൂപയോളം വിലമതിയ്‌ക്കും.
സുദര്‍ശന്‍ എന്‍റര്‍പ്രൈസസ് എന്ന ചെന്നൈ ആസ്ഥാനമായുള്ള ഗ്രൂപ്പാണ് ഇത്രയും സ്വര്‍ണ്ണം നല്‍കിയത്. തിരുപ്പതി ദേവസ്ഥാനത്തിലെ എക്സിക്യൂട്ടീവ് ഓഫീസറായ വെങ്കയ്യ ചൗധരിയാണ് ഇക്കാര്യം പ്രഖ്യാപിച്ചത്. തിരുപ്പതിയിലെ ശ്രീ വെങ്കടേശ്വര സ്വാമിക്ഷേത്രത്തിലെ ഔദ്യോഗികമായി കൈവശം വെച്ചിരിക്കുന്നത് ടിടിഡി എന്ന ത്രൈയക്ഷരിയില്‍ അറിയപ്പെടുന്ന തിരുപ്പതി തിരുമല ദേവസ്ഥാനമാണ്.
മഹാവിഷ്ണുവിന്റെ അവതാരമായ ശ്രീ വെങ്കടേശ്വരനാണ് തിരുപ്പതിയിലെ പ്രതിഷ്ഠ. ശംഖും ചക്രവും മഹാവിഷ്ണുവിന് പ്രധാനമാണ്. ഭക്തരുടെ ആഗ്രഹസാഫല്യത്തിന് പേര് കേട്ട ആരാധനാലയമാണ് തിരുപ്പതി.
