കോട്ടയം: ലൂര്ദ് ഇന്ഡോര് സ്റ്റേഡിയത്തില് നടന്ന 20-ാം ലൂര്ദിയന് ഇന്റര് സ്കൂള് ബാസ്കറ്റ്ബോള് ടൂര്ണമെന്റില് പെണ്കുട്ടികളുടെ വിഭാഗത്തില് പ്രോവിഡന്സ് എച്ച്എസ്എസ് കോഴിക്കോടും ആണ് വിഭാഗത്തില് കാര്മല് സിഎംഐ പബ്ലിക് സ്കൂള് വാഴക്കുളവും ജേതാക്കളായി. പെണ് ഫൈനലില് പ്രൊവിഡന്സ് മൗണ്ട് കാര്മല് എച്ച്എസ്എസിനെ (65-51) പരാജയപ്പെടുത്തിയാണ് കിരീടത്തില് മുത്തമിട്ടത്. കാര്മല് സ്കൂള് ഫൈനലില് തോല്പ്പിച്ചത് (31-21) ആതിഥേയരായ ലൂര്ദ് പബ്ലിക് സ്കൂളിനെയാണ്.
സെമി ഫൈനലില് ലൂര്ദ് പബ്ലിക് സ്കൂള് എസ്എച്ച് കിളിമലയെ (57-44) പരാജയപ്പെടുത്തി ഫൈനലില് പ്രവേശിച്ചപോള് കാര്മല് സിഎംഐ പബ്ലിക് സ്കൂള് കോഴിക്കോട് സില്വര് ഹില് എച്ച്എസ്എസിനെ (57-49) പരാജയപ്പെടുത്തിയാണ് ഫൈനലില് കടന്നത്. സെമി ഫൈനല് ഗേള്സ് വിഭാഗത്തില് പ്രൊവിഡന്സ് ജിഎച്ച്എസ് കോഴിക്കോട് അങ്കമാലി ലിറ്റില് ഫ്ളവര് എച്ച്എസ്എസിനെ (57-40) പരാജയപ്പെടുത്തിയപ്പോള് മൗണ്ട് കാര്മല് എച്ച്എസ്എസ് കോട്ടയം എസ്എച്ച് മൗണ്ട് എച്ച്എസ്എസിനെ (62-17) പരാജയപ്പെടുത്തി ഫൈനലില് പ്രവേശിച്ചു. സബ് ജൂനിയര് ഡിവിഷനില് ലൂര്ഡിന് ഡബിള് ഡിലൈറ്റ് സബ് ജൂനിയര് ഡിവിഷനില് ആണ്കുട്ടികളുടെ വിഭാഗത്തില് ലൂര്ദ് പബ്ലിക് സ്കൂള് ഡോണ് ബോസ്കോ പുതുപ്പള്ളിയെ (32-18) പരാജയപ്പെടുത്തി ചാമ്പ്യന്മാരായപ്പോള്. ലൂര്ദ് പെണ്കുട്ടികളില് മൗണ്ട് കാര്മല് എച്ച്എസ്എസ് കോട്ടയത്തെ (21-20)നെ പരാജയപ്പെടുത്തി ചാമ്പ്യന്മാരായി. കോട്ടയം വിജിലന്സ് കോടതി ജഡ്ജി കെ വി റെജനീഷാണ് ട്രോഫികളും മെമന്റോകളും വിതരണം ചെയ്തത്. ചടങ്ങില് റവ. ഫാ. ജേക്കബ് വട്ടക്കാട്ട് സ്കൂള് മാനേജര് അധ്യക്ഷത വഹിച്ചു.
