തിരുവനന്തപുരം: വ്യാജ ഉടമയെ ഹാജരാക്കി ആധാരം നടത്തി അഞ്ചരകോടിയുടെ ഭൂമി തട്ടിയെടുത്ത കേസില് ജില്ലാ കോണ്ഗ്രസ് കമ്മിറ്റി അംഗം അനന്തപുരി മണികണ്ഠന് ബെംഗളൂരുവില് നിന്ന് അറസ്റ്റിലായി. അമേരിക്കക്കാരിയായ സ്ത്രീയുടെ പേരിലുണ്ടായിരുന്ന ഭൂമി തട്ടിയെടുക്കാന് വ്യാജ ഇഷ്ടദാന കരാര് ഉണ്ടാക്കിയത് അധാരമെഴുത്തുകാരനായ മണികണ്ഠനാണെന്ന് പൊലീസ് പറഞ്ഞു.
അമേരിക്കയില് സ്ഥിരതാമസമാക്കിയ ഡോറ അസറിയ ക്രിസ്തിന് പാരമ്പര്യമായി കിട്ടിയ തിരുവനന്തപുരം ജവഹര്നഗറിലെ 10 മുറികളുള്ള കെട്ടിടവും 14 സെന്റ് സ്ഥലവുമാണ് വ്യാജ ആധാരത്തിലൂടെ ഭൂമാഫിയ തട്ടിയെടുത്തത്.
നേരത്തെ അറസ്റ്റിലായ കൊല്ലം സ്വദേശി മെറിന്റെയും വസന്തയുടെയും മൊഴിയില് നിന്നാണ് മണികണ്ഠനെ കുറിച്ചുള്ള വിവരങ്ങള് പൊലിസിന് ലഭിച്ചത്. മുക്കോല സ്വദേശിയായ വസന്തയെ ഡോറയായി ആള്മാറാട്ടം നടത്തി കവടിയാര് രജിസ്ട്രേഷന് ഓഫീസിലെത്തിക്കുകയും ഡോറയുടെ വളര്ത്തുമകളാണെന്ന വ്യാജേന മെറിന്റെ പേരില് ഭൂമി രജിസ്റ്റര് ചെയ്യുകയുമായിരുന്നു. അതിനുശേഷം ഭൂമി ചന്ദ്രസേനനെന്നയാള്ക്ക് ആ സ്ഥലം വില്ക്കുന്നതായി മറ്റൊരു ആധാരവും രജിസ്റ്റര് ചെയ്തു. ഇതിന്റെയെല്ലാം പിന്നില് മണികണ്ഠനാണെന്നും ആള്മാറാട്ടത്തിന് തങ്ങള്ക്ക് പണം ലഭിച്ചുവെന്നുമാണ് നേരത്തെ അറസ്റ്റിലായ മെറിനും വസന്തയും മൊഴി നല്കിയത്. ഇക്കാര്യത്തില് രജിസ്ട്രേഷന് വകുപ്പിലെ ഉദ്യോഗസ്ഥരുടെ പങ്കും പൊലീസ് അന്വേഷിക്കുന്നുണ്ട്.
വ്യാജ ഉടമയെ ഹാജരാക്കി ആധാരം നടത്തി ഭൂമി തട്ടിയെടുത്ത കേസില് ഒളിവിലായിരുന്ന ഡിസിസി അംഗം അറസ്റ്റില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.