കണ്ണൂര്‍: കൊടും ക്രിമിനല്‍ ചാര്‍ളി തോമസ് ( ഗോവിന്ദചാമി) ജയില്‍ ചാടുന്ന ദൃശ്യങ്ങള്‍ പുറത്ത്. സി സി ടി വി ദൃശ്യങ്ങളാണ് പുറത്തു വന്നത്.പുലര്‍ച്ചെ 1.15 നാണ് ജയില്‍ ചാടിയത്.
ആദ്യം ഒരു തുണി പുറത്തേക്കിട്ടു. പിന്നീട് സെല്ലിലെ കമ്പി അഴി മുറിച്ച് മാറ്റിയ വിടവിലൂടെ നിരങ്ങിയാണ് ഇയാള്‍ സെല്ലിന് പുറത്തേക്കിറങ്ങിയത്.സെല്ലിന് പുറത്തേക്കിറങ്ങിയിട്ട് മൂന്നു തവണയായി തുണി ഉള്‍പ്പെടെയുള്ള ചില സാധനങ്ങള്‍ എടുത്തു. 1.20 കഴിയുമ്പോഴാണ് ഇയാള്‍ പുറത്തേക്ക് ഇറങ്ങുന്നത്.
പിന്നീട് പത്താം ബ്ലോക്കിന്റെ മതില്‍ ചാടിക്കടന്നു.ശേഷം വലിയ മതിലായ പുറം മതില്‍ ചാടിക്കടന്നു. മതില്‍ ചാടിക്കടക്കുമ്പോള്‍ നാല് മണി കഴിഞ്ഞിരുന്നു. ഒന്നരമാസമായി നടത്തിയ കൃത്യമായ ആസൂത്രണത്തിലൂടെയായിരുന്നു ജയില്‍ച്ചാട്ടം. ജയില്‍ചാടാന്‍ ആരുടെയും സഹായം ലഭിച്ചില്ലെന്നാണ് ഗോവിന്ദചാമിയുടെ മൊഴി.
പിന്നീട് തളാപ്പിലെ ആള്‍പ്പാര്‍പ്പില്ലാത്ത കെട്ടിടത്തിന് സമീപത്തെ കിണറ്റില്‍ നിന്നാണ് ഇയാളെ കഴിഞ്ഞ ദിവസം പിടികൂടിയത്. ഇയാള്‍ ജയില്‍ ചാടിയ വിവരം മാധ്യമങ്ങളില്‍ വന്നതിനെ തുടര്‍ന്ന് ഒരു യുവാവാണ് ഗോവിന്ദചാമി നടന്നു പോകുന്നത് കണ്ടത്.യുവാവിന് തന്നെ മനസിയായെന്ന് വ്യക്തമായതോടെ (ചാര്‍ളി തോമസ്)ഗോവിന്ദചാമി ഓടി കിണറ്റില്‍ ഒളിച്ചെങ്കിലും പിടികൂടി.
