കൊല്ലം: ഷാര്ജയില് ഭര്തൃ പീഡനത്തെ തുര്ന്ന് മരിച്ച വിപഞ്ചികയുടെ മൃതദേഹം നാട്ടിലെത്തിച്ച് വീണ്ടും പോസ്റ്റുമോര്ട്ടം ചെയ്തു.ശ്വാസംമുട്ടിയാണ് മരണമെന്നാണ് പോസ്റ്റുമോര്ട്ടത്തിലെ പ്രാഥമിക നിഗമനം.
ശരീരത്തിലുണ്ടായിരുന്ന പാടുകള് എംബാം ചെയ്തപ്പോഴുണ്ടായതാണെന്നും ഫൊറന്സിക് ഡോക്ടര്മാരുടെ സംഘം പൊലിസിനെ അറിയിച്ചു. ഷാര്ജയിലെ ഫ്ലാറ്റിലാണ് വിപഞ്ചികയെയും കുഞ്ഞിനെയും തൂങ്ങി മരിച്ച നിലയില് കണ്ടെത്തിയത്. ഭര്ത്താവ് നിതീഷ് സ്ത്രീധനത്തിന്റെ പേരില് മാനസികമായും ശാരീരികമായും പീഡിപ്പിച്ചിരുന്നുവെന്ന് ബന്ധുക്കള് ആരോപിച്ചു. മരണത്തില് ദുരൂഹതയുണ്ടെന്നും ആരോപണമുയര്ന്നു. കുഞ്ഞിന്റെ മൃതദേഹം യു എയില് തന്നെ സംസ്കരിച്ചു. കഴിഞ്ഞ രാത്രി തിരുവനന്തപുരത്ത് എത്തിച്ച വിപഞ്ചികയുടെ മൃതദേഹം തിരുവനന്തപുരം മെഡിക്കല് കോളേജിലാണ് വീണ്ടും പോസ്റ്റുമോര്ട്ടം ചെയ്തത്.
വിപഞ്ചികയുടെ ഭര്ത്താവ് നിതീഷിനെതിരെ ആത്മഹത്യ പ്രേരണക്കും സ്ത്രീധനപീഡനത്തിനും കുണ്ടറ പൊലിസ് കേസെടുത്തിട്ടുണ്ട്. നിതീഷിനെ നാട്ടിലെത്തിക്കാന് പൊലിസ് നടപടി തുടങ്ങി. ഷാര്ജ പൊലീസ് അന്വേഷണത്തെക്കാള് കേരള പൊലിസ് നടത്തുന്ന അന്വേഷണത്തിലാണ് കുടുംബത്തിന് കൂടുതല് വിശ്വാസമെന്ന് സഹോദരന് പറഞ്ഞു.
