ശിവഗംഗ:മാവോയിസ്റ്റ് രൂപേഷിന് ജീവപര്യന്തം തടവ് വിധിച്ച് തമിഴ്‌നാട്ടിലെ ശിവഗംഗ കോടതി. യുഎപിഎ കേസില്‍ ആണിത്.
ശിവഗംഗ സ്വദേശിയുടെ വ്യാജ തിരിച്ചറിയല്‍ രേഖകള്‍ ഉപയോഗിച്ച് കന്യാകുമാരിയിലെ കടയില്‍ നിന്ന് സിം കാര്‍ഡ് വാങ്ങിയെന്ന കേസിലാണ് ശിക്ഷ. നിരോധിക്കപ്പെട്ട സംഘടനകളില്‍ പ്രവര്‍ത്തിച്ചെന്ന കുറ്റത്തിലെ പരമാവധി ശിക്ഷയാണ് വിധിച്ചത്.
വഞ്ചന, വ്യാജ രേഖ ചമയ്‌ക്കുക തുടങ്ങിയ കുറ്റങ്ങളില്‍ അഞ്ച് വര്‍ഷം വീതം തടവിനും ശിക്ഷിച്ചു.തമിഴ്നാട്ടില് ആദ്യമായാണ് ഒരു കേസില്‍ രൂപേഷിനെ ശിക്ഷിക്കുന്നത്. എന്നാല്‍ വിധി അവിശ്വസനീയമാണന്നും കെട്ടിച്ചമച്ച കേസാണെന്നും രൂപേഷിന്റെ ഭാര്യ ഷൈന പ്രതികരിച്ചു.
കേരളം, കര്‍ണാടക എന്നിവിടങ്ങളിലെ സമാന കേസുകളിലെല്ലാം രൂപേഷിനെ വെറുതെവിട്ടിരുന്നു. 2015 മേയില്‍ അറസ്റ്റിലായത് മുതല്‍ ജയിലിലാണ് രൂപേഷ്. ജയില്‍ മോചനം അടുത്തിരിക്കെയാണ് ഇപ്പോള്‍ വിധി വന്നിരിക്കുന്നത്.
