ന്യൂദൽഹി : ശിവഭക്തരെ അവഹേളിച്ച് ഇന്ത്യൻ യൂണിയൻ മുസ്ലീം ലീഗിന്റെ ദേശീയ വൈസ് പ്രസിഡന്റ് മൗലാന കൗസർ ഹയാത്ത് ഖാൻ . കൻവാർ യാത്രയുമായി ബന്ധപ്പെട്ട് ഹയാത്ത് ഖാൻ ആഭ്യന്തര മന്ത്രി അമിത് ഷായ്ക്ക് എഴുതിയ കത്തിൽ കൻവാർ യാത്ര മതഭ്രാന്താണെന്നാണ് പ്രസ്താവിച്ചിരിക്കുന്നത് .
കൻവാർ യാത്ര മൂലം സാധാരണക്കാർ പ്രശ്നങ്ങൾ നേരിടുന്നു. കൻവാരിയകൾ ആളുകളെ ലക്ഷ്യമിടുകയും , അക്രമിക്കുകയും ചെയ്യുന്നു . ധാബകൾക്കെതിരെ ഭക്ഷണത്തിന്റെ പേരിൽ കേസ് നൽകുന്നു. കൻവാർ യാത്ര ആരംഭിച്ചതുമുതൽ, നിരന്തരമായ കലാപത്തിന്റെയും അക്രമത്തിന്റെയും അന്തരീക്ഷം നിലനിൽക്കുന്നു- എന്നാണ് കത്തിൽ പറയുന്നത്.
സാധാരണ പൗരന്മാരോടും സ്ത്രീകളോടും കൊച്ചുകുട്ടികളോടും കൻവാരിയർ മോശമായി പെരുമാറുന്നു. കൻവാർ യാത്രയിൽ ക്രമസമാധാനം പൂർണ്ണമായും തകർന്നു . അക്രമികളാണിവർ.കൻവാർ യാത്രയ്‌ക്കിടെ ഇറച്ചിക്കടകളും ഹോട്ടലുകളും അടച്ചിട്ടിരിക്കുന്നു. ഇറച്ചിക്കടകൾക്കും ഹോട്ടലുകൾക്കും ഏർപ്പെടുത്തിയിരിക്കുന്ന വിലക്ക് പിൻവലിക്കണം.കൻവാർ തീർത്ഥാടകരുടെ ശല്യം മൂലമുണ്ടാകുന്ന നഷ്ടത്തിന് സർക്കാർ ഉചിതമായ നഷ്ടപരിഹാരം നൽകണം.- എന്നാണ് കത്തിൽ പറയുന്നത് .
