വയനാട്: ബത്തേരി ഹേമചന്ദ്രന് കൊലപാതക കേസിലെ പ്രധാന പ്രതി നൗഷാദിന്റെ കാര് കണ്ടെത്തി.കെ എല് എ ഇസഡ് 6449 നമ്പര് മാരുതി സിയാസ് കാര് ആണ് അന്വേഷണ സംഘം കണ്ടെത്തിയത്.
ഈ കാറിലാണ് ചിട്ടി നടത്തിപ്പുകാരന് ഹേമചന്ദ്രന്റെ മൃതദേഹം ഒളിപ്പിക്കുകയും പിന്നീട് മറവ് ചെയ്യാന് കൊണ്ടുപോയതും. മലപ്പുറം ജില്ലക്കാരനായ ആള്ക്ക് നൗഷാദ് പണയത്തിന് കൊടുത്ത കാറാണ് കണ്ടെത്തിയത്.
ശാസ്ത്രീയമായ പരിശോധനകള്ക്കൊടുവിലാണ് കാര് കണ്ടെത്തിയത്.കാറുമായി ബന്ധപ്പെട്ട ഒരു വിവരവും നൗഷാദ് അന്വേഷണ സംഘത്തിന് കൈമാറിയിരുന്നില്ല എന്നതിലാല് ഇത് കണ്ടെത്തുന്നത് പൊലീസിന് ഏറെ ശ്രമകരമായിരുന്നു.വിശദ പരിശോധനകള് നടത്തുന്നതിനായി കാര് ഫോറെന്സിക് സംഘത്തിന് കൈമാറും.മൃതദേഹം ഒളിപ്പിച്ച കാറിന്റെ ഡിക്കി പെയിന്റ് അടിച്ച നിലയിലാണ്.
എന്നാല് താന് കൊലപാതകം ചെയ്തിട്ടില്ലെന്ന നിലപാടിലാണ് നൗഷാദ്.കേസില് യാതൊരു വിധത്തിലുള്ള സഹകരണവും ഇയാള് നടത്തുന്നില്ലെന്ന് അന്വേഷണ സംഘം അറിയിച്ചു. ഹേമചന്ദ്രന് തൂങ്ങി മരിച്ചതാണെന്നും മൃതദേഹം താന് കുഴിച്ചിടുകയായിരുന്നുവെന്നുമാണ് നൗഷാദിന്റെ മൊഴി.
