വയനാട്: മേപ്പാടി താഞ്ഞിലോട് വന്യമൃഗ ശല്യത്തിനെതിരെ സമരം നടത്തിയ നാട്ടുകാര്ക്കതിരെ പൊലീസ് ലാത്തിവീശി. റോഡ് ഉപരോധിച്ച ജനകീയ സമിതി പ്രവര്ത്തകര്ക്ക് നേരെയാണ് പൊലീസ് നടപടി. മേഖലയിലെ കാട്ടാനശല്യം ഉള്പ്പെടെ വര്ദ്ധിച്ച സാഹചര്യത്തില് ആയിരുന്നു പ്രതിഷേധം.
ചൊവ്വാഴ്ച രാവിലെ 7 മണി മുതലായിരുന്നു മേപ്പാടി – ചൂരല്മല പാത നാട്ടുകാര് ഉപരോധിച്ചത്. കഴിഞ്ഞ ദിവസങ്ങളില് ഇവിടെ കാട്ടാന ശല്യം രൂക്ഷമായിരുന്നു. വന്യ മൃഗങ്ങള് വലിയ തോതില് കൃഷി നാശവും ഉണ്ടാക്കുന്നു. മൂന്നു മണിക്കൂറോളം ഉപരോധം നീണ്ടിരുന്നു. ഡിഎഫ്ഒ അജിത്ത് കെ രാമന് ഉള്പ്പെടെ സ്ഥലത്തെത്തി.എന്നാല് ജില്ലാ കളക്ടര് നേരിട്ട് എത്തണമെന്ന് നാട്ടുകാര് ആവശ്യപ്പെട്ടു. ഇതിനിടയിലാണ് പൊലീസ് ലാത്തി വീശിയത്.
ഒന്പത് പേരെ അറസ്റ്റ് ചെയ്ത് പൊലീസ് സ്റ്റേഷനിലേക്ക് മാറ്റി.പിന്നാലെ ജനപ്രതിനിധികളും വിവിധ രാഷ്ട്രീയ കക്ഷി നേതാക്കളും നടത്തിയ ചര്ച്ചയിലാണ് നാട്ടുകാരെ വിട്ടയച്ചത്. സ്ഥലത്തിറങ്ങുന്ന കാട്ടാനയെ തുരത്താന് നടപടി തുടങ്ങിയെന്ന് ഡിഎഫ്ഒ അറിയിച്ചു.
