വയനാട്: എലിപ്പനി ബാധിച്ച് യുവാവ് മരിച്ചു. ചീരാല്‍ കൊഴുവണ ഉന്നതിയിലെ വിഷ്ണു ആണ് കോഴിക്കോട് മെഡിക്കല്‍ കോളജ് ആശുപത്രിയില്‍ ചികിത്സയിലിരിക്കെ മരിച്ചത്.
ചൊവ്വാഴ്ച വൈകുന്നേരമാണ് പനി മൂര്‍ച്ഛിച്ച വിഷ്ണുവിനെ മെഡിക്കല്‍ കോളേജ് ആശുപത്രിയില്‍ എത്തിച്ചത്.പനിയെ തുടര്‍ന്ന് ചീരാല്‍ കുടുംബാരോഗ്യകേന്ദ്രത്തില്‍ വിഷ്ണു ചികിത്സയ്‌ക്കെത്തിയിരുന്നു.
ആരോഗ്യനില മോശമായതിനാല്‍ സുല്‍ത്താന്‍ ബത്തേരി താലൂക്ക് ആശുപത്രിയിലേക്ക് റഫര്‍ ചെയ്തു. പിന്നീട് താലൂക്ക് ആശുപത്രിയില്‍ നിന്നാണ് വിഷ്ണുവിനെ കോഴിക്കോട് മെഡിക്കല്‍ കോളേജ് ആശുപത്രിയിലേക്ക് കൊണ്ടുപോയത്.
