കൊച്ചി : പ്രേം നസീറിനെതിരായ അപകീര്‍ത്തികരമായ പരാമര്‍ശം നടത്താനിടയായതില്‍ മാപ്പ് ചോദിച്ച് നടന്‍ ടിനി ടോം.സാമൂഹ്യമാധ്യമത്തിലൂടെയാണ് നടന്‍ മാപ്പ് പറഞ്ഞത്. താന്‍ പറഞ്ഞതില്‍ നിന്നും ഒരു ഭാഗം അടര്‍ത്തിയെടുത്ത് തെറ്റായി പ്രചരിപ്പിക്കുകയാരുന്നുവെന്ന് ടിനി ടോം വീഡിയോ സന്ദേശത്തില്‍ പറയുന്നു.
പ്രേം നസീറിനെ പോലൊരു മഹത് വ്യക്തിത്വത്തെ മോശമായി ചിത്രീകരിച്ചിട്ടില്ല.
അങ്ങനെ ആര്‍ക്കെങ്കിലും തോന്നിയെങ്കില്‍ മാപ്പ് ചോദിക്കുന്നുവെന്നും ടിനി ടോം പറഞ്ഞു.സിനിമാ രംഗത്തെ മുതിര്‍ന്ന ഒരാള്‍ തന്നോട് പറഞ്ഞ കാര്യമാണ് വെളിപ്പെടുത്തിയതെന്ന് പറഞ്ഞ ടിനി ടോം എന്നാല്‍ ഇപ്പോള്‍ അദ്ദേഹം അത് നിഷേധിക്കുകയാണെന്നും വ്യക്തമാക്കി.
അവസാനകാലത്ത് പ്രേം നസീര്‍ സിനിമയില്ലാതെ മേക്കപ്പിട്ട് ബഹുദൂറിന്റെയും അടൂര്‍ ഭാസിയുടെയും വീട്ടില്‍ ചെന്നിരുന്നു കരയാറുണ്ടായിരുന്നു.അദ്ദേഹത്തിന്റെ സ്റ്റാര്‍ഡം പോയി എന്നായിരുന്നു ഒരു അഭിമുഖത്തില്‍ ടിനി ടോം പറഞ്ഞത്. ഇത് വലിയ വിവാദമായിരുന്നു.
ടിനിയ്‌ക്കെതിരെ സംവിധായകന്‍ എംഎ നിഷാദും ഡബ്ബിംഗ് ആര്‍ട്ടിസ്റ്റ് ഭാഗ്യലക്ഷിയും സംവിധായകന്‍ ആലപ്പി അഷ്റഫും നടന്‍ മണിയന്‍പിള്ള രാജുവുമെല്ലാം രംഗത്തെത്തി. ഈ സാഹചര്യത്തിലാണ് ടിനി ടോം മാപ്പ് പറഞ്ഞത്.
