പാലക്കാട് : കണ്ടമംഗലം പുറ്റാനിക്കാട് ഭര്തൃ പിതാവിനെ വെട്ടിപരിക്കേല്പ്പിച്ച് യുവതി.പരിക്കേറ്റ മലയില് മുഹമ്മദാലി (65) യെ മണ്ണാര്ക്കാട് ആശുപത്രിയില് പ്രവേശിപ്പിച്ചു. മുഹമ്മദാലിയുടെ മകന് വിദേശത്ത് ജോലി ചെയ്യുന്ന ഷെരീഫിന്റെ ഭാര്യ ഷബ്നയാണ് ആക്രമിച്ചത്.സ്വത്ത് തര്ക്കമാണ് ആക്രമണത്തിന് കാരണമെന്നാണ് പ്രാഥമിക വിവരം.
മറ്റൊരു സംഭവത്തില് പാലക്കാട് തന്നെ ഭാര്യയ്ക്ക് നേരെ വെടിയുതിര്ത്ത ഭര്ത്താവ് അറസ്റ്റില്. കുടുംബവഴക്കിനെ തുടര്ന്ന് മദ്യലഹരിയിലായിരുന്ന ഭര്ത്താവ് ഭാര്യയ്ക്ക് നേരെ എയര് ഗണ് ഉപയോഗിച്ച് വെടിയുതിര്ക്കുകയായിരുന്നു.മംഗലംഡാം പൂതംകോട് കുന്നത്ത് വീട്ടില് ശിവന് (58) ആണ് ഭാര്യ മേരിയെ (52) വെടിവെച്ചത്.
കാല്മുട്ടില് പരിക്കേറ്റ മേരി തൃശൂര് മെഡിക്കല് കോളേജ് ആശുപത്രിയില് ചികിത്സയിലാണ്. കഴിഞ്ഞ ദിവസം ഉച്ചയോടെയായിരുന്നു സംഭവം. മംഗലംഡാം പൊലീസ് കസ്റ്റഡിയിലെടുത്ത ശിവനെ ആലത്തൂര് കോടതിയില് ഹാജരാക്കി റിമാന്ഡ് ചെയ്തു.
