പെരുമ്പാവൂർ : രണ്ട് കിലോ കഞ്ചാവുമായി ഇതര സംസ്ഥാനത്തൊഴിലാളി പിടിയിൽ. ഒഡീഷ ഗഞ്ചാം സ്വദേശി രാജേഷ് ഡീഗൽ (23)നെയാണ് പെരുമ്പാവൂർ എ എസ് പി യുടെ പ്രത്യേക അന്വേഷണ സംഘം പിടികൂടിയത്.
ഒഡീഷയിൽ നിന്ന് ട്രെയിൻ മാർഗ്ഗം ആലുവയിൽ എത്തി തുടർന്ന് പെരുമ്പാവൂർ ബസ്റ്റാൻഡ് പരിസരത്ത് കഞ്ചാവ് കൈമാറാൻ നിൽക്കുന്നതിനിടയിലാണ് ഇയാൾ അന്വേഷണസംഘത്തിന്റെ വലയിലായത്. ജില്ലാ പോലീസ് മേധാവി എം. ഹേമലതയ്ക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിലാ യിരുന്നു പരിശോധന.
ഒഡീഷയിൽ നിന്ന് 3000 രൂപയ്ക്ക് വാങ്ങുന്ന കഞ്ചാവ് ഇവിടെ ഇരുപതിനായിരം രൂപ നിരക്കിൽ വിൽപ്പന നടത്തി വരികയായിരുന്നു. കഞ്ചാവ് വിൽപ്പന നടത്തി രാത്രി തന്നെ ഒഡീഷയിലേക്ക് മടങ്ങി പോകാനായിരുന്നു പരിപാടി. ഇയാൾ കഞ്ചാവ് കേസിൽ രണ്ടു വർഷത്തോളം പാലക്കാട് ജയിലിൽ ശിക്ഷ അനുഭവിട്ടുണ്ട്.
പെരുമ്പാവൂർ എ എസ് പി ശക്തി സിംഗ് ആര്യ, ഇൻസ്പെക്ടർ ടി.എം സൂഫി, എസ്.ഐമാരായ പി.എം റാസിഖ് , വിനിൽ ബാബു, ജോഷി മാത്യു, എ.എസ് .ഐ പി.എ അബ്ദുൽ മനാഫ് , സീനിയർ സി പി ഒ മാരായ വർഗീസ് വേണാട്ട്, ടി.എ അഫ്സൽ, ബെന്നി ഐസക്, എ ടി ജിൻസ്, നോബിൾ, എന്നിവരാണ് അന്വേഷണസംഘത്തിൽ ഉണ്ടായിരുന്നത്.
