ന്യൂദല്ഹി : രാജ്യത്ത് കൊവിഡ് വ്യാപനം രൂക്ഷമായി തുടരുന്നു. 3395 പേര്ക്ക് കൊവിഡ് സ്ഥിരീകരിച്ചതായി കേന്ദ്ര ആരോഗ്യ മന്ത്രാലയം അറിയിച്ചു.കേരളത്തില് ആണ് കൊവിഡ് വ്യാപനം കൂടുതല് .കേരളത്തില് 24 മണിക്കൂറിനിടെ 1336 പേര്ക്ക് രോഗം സ്ഥിരീകരിച്ചു. 1435 പേര് രോഗമുക്തി നേടി. രാജ്യത്ത് കഴിഞ്ഞ 24 മണിക്കൂറിനിടെ എട്ട് കൊവിഡ് മരണങ്ങള് റിപ്പോര്ട്ട് ചെയ്തു.
കേരളത്തില് ഒരു കൊവിഡ് മരണം സ്ഥിരീകരിച്ചതായും ആരോഗ്യമന്ത്രാലയം അറിയിച്ചു. മഹാരാഷ്ട്രയില് 467 പേര്ക്കും ദല്ഹിയില് 375 പേര്ക്കും രോഗം സ്ഥിരീകരിച്ചു.ഗുജറാത്തില് 265 പേര്ക്കും കര്ണാടകയില് 234 പേര്ക്കും കൊവിഡ് സ്ഥിരീകരിച്ചു.2025 ജനുവരി മുതല് ഇതുവരെ രാജ്യത്ത് 22 പേരാണ് കൊവിഡ് ബാധിച്ച് മരിച്ചത്.
ഏറ്റവും കൂടുതല് കൊവിഡ് മരണങ്ങള് റിപ്പോര്ട്ട് ചെയ്യപ്പെട്ടിട്ടുളളത് മഹാരാഷ്ട്രയിലാണ്. ഏഴ് പേരാണ് മഹാരാഷ്ട്രയില് കൊവിഡ് ബാധിച്ച് മരിച്ചത്. കേരളത്തില് അഞ്ചു പേരും ദല്ഹിയില് രണ്ടുപേരും കൊവിഡ് ബാധിച്ച് മരിച്ചു.കോവിഡ് കേസുകളിലെ പെട്ടെന്നുണ്ടായ വര്ദ്ധനവ് മൂലം നിരീക്ഷണം ശക്തമാക്കാനും ആരോഗ്യ പ്രോട്ടോക്കോളുകള് പാലിക്കുന്നുവെന്ന് ഉറപ്പുവരുത്തുന്നതിനും സര്ക്കാര് നടപടികള് സ്വീകരിച്ചിട്ടുണ്ട്.
