തിരുവനന്തപുരം: ജീവിതശൈലി രോഗനിര്ണയത്തിന്റെ ഭാഗമായി ഒന്നാം ഘട്ടത്തില് 1.55 കോടി ആളുകളുടേയും രണ്ടാം ഘട്ടത്തില് 1.28 കോടി ആളുകളുടേയും കാന്സര് സ്ക്രീനിംഗ് നടത്തിയെന്ന് ആരോഗ്യവകുപ്പ്. ആകെ 9,13,484 പേര്ക്ക് കാന്സര് സംശയിച്ചു. അതില് ഏറ്റവും കൂടുതല് സ്തനാര്ബുദവും ഗര്ഭാശയ ഗളാര്ബുദവുമാണ് കണ്ടെത്തിയത്. 41,660 പേര്ക്ക് വദനാര്ബുദ സാധ്യത കണ്ടെത്തി. ആദ്യഘട്ടത്തില് സ്ത്രീകള്ക്കായിരുന്നു പ്രാധാന്യം നല്കിയത്. രണ്ടാം ഘട്ടത്തില് വദനാര്ബുദം ഉള്പ്പെടെ പുരുഷന്മാരെ കൂടി ബാധിക്കുന്ന കാന്സറുകള്ക്കാണ് പ്രാധാന്യം നല്കുന്നത്. എല്ലാവരും തൊട്ടടുത്ത ആരോഗ്യ കേന്ദ്രത്തിലെത്തി കാന്സര് സ്ക്രീനിംഗ് നടത്തണമെന്നും ആരോഗ്യവകുപ്പ് അഭ്യര്ത്ഥിച്ചു.
മേയ് 31 ലോക പുകയില വിരുദ്ധ ദിനത്തിന്റെ ഭാഗമായി ആരോഗ്യ വകുപ്പ് വദനാര്ബുദം പ്രതിരോധിക്കാന് നടപടി സ്വീകരിക്കും. ആര്ദ്രം ആരോഗ്യം ജീവിതശൈലീ രോഗനിര്ണയ ക്യാമ്പയിനില് രോഗ സാധ്യത കണ്ടെത്തിയവരുടെ വീടുകള് ആരോഗ്യ പ്രവര്ത്തകര് സന്ദര്ശിച്ച് വദനാര്ബുദ സ്ക്രീനിഗ് നടത്താന് വാര്ഡ് തലത്തില് നടപടികള് സ്വീകരിക്കും. ജനകീയ ആരോഗ്യ കേന്ദ്രങ്ങള്, കുടുംബാരോഗ്യ കേന്ദ്രങ്ങള്, പ്രധാന ആശുപത്രികള് എന്നിവിടങ്ങളില് വദനാര്ബുദ സ്ക്രീനിംഗ് സൗകര്യം ലഭ്യമാക്കിയിട്ടുണ്ട്. കാന്സര് ലക്ഷണങ്ങള്, കാന്സര് മുന്നോടിയായുള്ള ലക്ഷണങ്ങള് എന്നിവ കണ്ടെത്തുന്നവരെ വിദഗ്ധ പരിശോധനകള്ക്ക് വിധേയരാക്കി ചികിത്സ ഉറപ്പാക്കും.
2.83 കോടി ആളുകളില് കാന്സര് സ്ക്രീനിംഗ് നടത്തിയെന്ന് ആരോഗ്യവകുപ്പ്, രോഗസാധ്യത കണ്ടെത്തിയത് 9,13,484 പേര്ക്ക്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.