ബെംഗളൂരു : ബെംഗളൂരു മഴയില് മുങ്ങിത്താഴുമ്പോള് സംസ്ഥാന ഭരണം കയ്യാളുന്ന കോണ്ഗ്രസ്നേതാക്കള് ബല്ലാരിയില് സര്ക്കാരിന്റെ രണ്ടാംവര്ഷ ആഘോഷത്തിലാണെന്ന് നിയമസഭാ പ്രതിപക്ഷ നേതാവ് ആര് അശോക പറഞ്ഞു. നാഗരിക സൗകര്യങ്ങള് മെച്ചപ്പെടുത്താന് കര്ണാടക സര്ക്കാരിന് ഫണ്ടില്ലെന്നും ബെംഗളൂരുവിന്റെ ചുമതലയുള്ള ഉപമുഖ്യമന്ത്രി ഡി കെ ശിവകുമാര് രണ്ടുവര്ഷത്തെ ഭരണകാലത്ത് സൗകര്യങ്ങള് മെച്ചപ്പെടുത്തുന്നതില് പരാജയപ്പെട്ടുവെന്നും കേന്ദ്രമന്ത്രി പ്രഹ്ലാദ് ജോഷിയും ആരോപിച്ചു.
കോണ്ഗ്രസ് ഭരണരീതി സംസ്ഥാനത്തിന്റെ സമ്പദ്വ്യവസ്ഥയെ തകര്ക്കുമെന്ന് പ്രഹ്ലാദ് ജോഷി കുറ്റപ്പെടുത്തി. കഴിഞ്ഞകാലങ്ങളില് ഐടി വിപ്ലവം കര്ണാടകയുടെ സമ്പദ്വ്യവസ്ഥ മെച്ചപ്പെടുത്തിയിരുന്നു. എന്നാല് ഈ സര്ക്കാരിനെ നയങ്ങള് കര്ണാടകയുടെ സമ്പദ്വ്യവസ്ഥയെ തളര്ത്തുകയാണ്.
ഞായറാഴ്ച രാത്രി മുതല് തുടര്ച്ചയായി പെയ്യുന്ന മഴയില് ബെംഗളൂരു കടുത്ത വെള്ളപ്പൊക്കത്തില് വലയുമ്പോഴും ആഘോഷ പരിപാടിയില് മുഴുകുന്നതിനെയാണ് ബിജെപി വിമര്ശിച്ചത്.
ബെംഗളൂരു മഴയില് മുങ്ങുമ്പോള് ഭരണം കയ്യാളുന്ന കോണ്ഗ്രസ്നേതാക്കള് ബല്ലാരിയില് ആഘോഷത്തിലെന്ന് ബിജെപി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.