കൊച്ചി: ഭക്തിയോഗം ലോകത്ത് പ്രചരിപ്പിച്ച സ്വാമി ചിന്മയാനന്ദ നമുക്കിടയില് ജനിച്ച് വളര്ന്നത് നമ്മുടെ സൗഭാഗ്യമാണെന്ന് കാക്കനാട് ഭവന്സ് കോളജ് ഓഫ് ആര്ട്സ് & കൊമേഴ്സ് ചെയര്മാന് വേണുഗോപാല് സി. ഗോവിന്ദ്. ചിന്മയ വിദ്യാലയ അങ്കണത്തില് 109-ാം ചിന്മയജയന്തി ആഘോഷം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സംശുദ്ധമായ ധ്യാനം പരിശീലിക്കലാണ് അഭികാമ്യം. ഫലേച്ഛയില്ലാതെ കര്മം ചെയ്യാന് ഉദ്ബോധിപ്പിച്ച ഭഗവാന് കൃഷ്ണനെ പിന്തുടരാന് സ്വാമി ചിന്മയാനന്ദ പ്രേരിപ്പിച്ചു. അതാണ് അദ്ദേഹം ചെയ്തുവച്ച ഏറ്റവും ശ്രേഷ്ഠമായ കാര്യം.
ചടങ്ങില് എറണാകുളം ചിന്മയ മിഷന് ആചാര്യന് സ്വാമി സത്യാനന്ദ സരസ്വതി, സിഎംഇസി- ജിസി ചീഫ് സേവക് എ. ഗോപാലകൃഷ്ണന്, ചിന്മയ വിശ്വവിദ്യാപീഠം പ്രൊഫ. അജയ് കപൂര്, എറണാകുളം ചിന്മയ മിഷന് വൈസ് പ്രസിഡന്റ് കെ.എം.വി. പണ്ടാല, പ്രസിഡന്റ് കെ.എസ്. വിജയകുമാര് എന്നിവര് സംസാരിച്ചു.
