കേരള എന്ജിഒ സംഘ് പൊതുവിദ്യാഭ്യാസ വകുപ്പ് ഡയറക്ടറേറ്റില് നടത്തിയ പ്രതിഷേധം സംസ്ഥാന ജനറല് സെക്രട്ടറി എസ.് രാജേഷ് ഉദ്ഘാടനം ചെയ്യുന്നു
തിരുവനന്തപുരം: സംസ്ഥാനത്തെ പൊതു വിദ്യാഭ്യാസ വകുപ്പിലെ പരിശീലന കേന്ദ്രങ്ങളായ ഡയറ്റുകളില് ജോലി ചെയ്യുന്ന ജീവനക്കാരുടെ മുടങ്ങിയ ശമ്പളം ഉടന് നല്കണമെന്ന് കേരള എന്ജിഒ സംഘ് സംസ്ഥാന ജനറല് സെക്രട്ടറി എസ്. രാജേഷ് ആവശ്യപ്പെട്ടു.
ശമ്പളം എത്രയും വേഗം നല്കണമെന്ന് ആവശ്യപ്പെട്ട് എന്ജിഒ സംഘ് പൊതുവിദ്യാഭ്യാസ വകുപ്പ് ഡയറക്ടറുടെ ഓഫീസിനു മുന്നില് നടത്തിയ പ്രതിഷേധം ഉദ്ഘാടനം ചെയ്യുകയായിരുന്നു അദ്ദേഹം.
മാര്ച്ച് മാസത്തെ ശമ്പളം ഏപ്രില് പകുതി കഴിഞ്ഞിട്ടും നല്കിയിട്ടില്ല. വിഷു ഈസ്റ്റര് ആഘോഷവേളയില് പോലും ശമ്പളം നല്കാതെ അവഗണിച്ച സര്ക്കാര് നടപടി പ്രതിഷേധാര്ഹമാണ്. ജില്ലാ പ്രസിഡന്റ് പി. പ്രസന്നകുമാര് അധ്യക്ഷത വഹിച്ചു. സംസ്ഥാന സെക്രട്ടറി എസ്. വിനോദ് കുമാര്, സംസ്ഥാന ജോയിന്റ് സെക്രട്ടറി പ്രദീപ് പുള്ളിത്തല, സംസ്ഥാന സമിതി അംഗങ്ങളായ ബിജു പാക്കോട്, ജി.ഡി. അജികുമാര്, ജില്ലാ സെക്രട്ടറി എസ്. സന്തോഷ് കുമാര് എന്നിവര് പ്രസംഗിച്ചു.
